Kanty khua in Mithiang John

December, 23

ST. JOHN OF KANTY (SIANGBAWI)

  Krakow University i Profesor (the great Scholer of the University of Krakow) a rak simi St. John cu Poland ram, Kanty khua, 1390 kum ah a chuak. Siangbawi cannak a hmuh hnuah Krakow University a Siangngakchia hna kha vawlei lei thiamnak lawng siloin Thlarau lei kong zong an theih khawhnak ding caah fakpiin aa zuam i a rak cawnpiak chih hna. Amah le mah zong a hmaanmi zumhnak cawnpiaktu ah aa ruah.

A palhmi ruahnak le zulhnak kha doh i hrawh dingin a siangngakchia hna kha bangloin a rak chimh/ a rak cawnpiak hna nain, “Thilri le hriamnam hmang hlah u; Fim le nemtein le dawtnak hriamnam lawng kha hmang uh, hranhram in rian`uan (tuahnak) cu nan thlarau kha sunghter i a `habik thil sining kha a hrawh dihte lai,” tiah zong a rak ti hna. St. John cu (sikan) zulhawk upadi kha diktein a hruai (a zulh pi) hna i tangdornak tling he zel`uang ah zeihmanh phahmi um loin aa din tawn hleiah zeitikhmanh ah rawl a rak ei bal lo.

A ngandamnak i zohfel dingin ralrin an pek tikah rawl ulhnak, rawl i sumdeuh (tlawm deuh in ei) nak tuah buin kum saupi a nungmi thetse ram khualtlawngmi kan pa le minthang tampi an um tiah a leh hna.Nikhat cu rawl einak khanah a um lioah halvaakmi pakhat a innhmai ah a tan kha a hmuh. Chikkhatlo ah a ngeihmi rawl dihlak kha a lak i vaak cu a va pek. Asinain rawl einak cabuai ah a rat `han tikah a pakan chung khat tein rawl a um kha khuaruahhar in a hmuh.

A Sianginn University zongah atu le atu ti bantukin mi sifak hna caah rawl danghnak puai a tuahpiak lengmang hna. Voikhat cu lung a `hawng i upat le dawt awk tlakmi Vicar Forane Siangbawi sinak kha Olkusz ah ttuanvo pek a rak si. 1473 kum Christmas lai zanah a rak thi. Pope XIII nak (Pope Clement XIII) nih St. John kha, “amah cu a chim bantukin a tuah (a `uan) mi upa tling pakhat sinak ah upat pektlakmi a si,” tiah a rak thang`hat.