Lima khua in Mithiang Rose

23^rd August

LIMA KHUAMI ST. ROSE (1586 – 1617)

(Nungak Thianghlim)

Mithiang nu Rose cu Thlanglei America in hmasabik mithiang an thimmi asi. 1586 kum Peru ram Lima khua ah a chuak. Amah i a senturmi a bel ruang ah a nu nih Rose (Hninsipar) tiah a rak auh. Nungak thianghlim biakamnak a tuah hnuah a nu le a pa nih va ngeihter an duhnak kha a al hna. Amah a helhmi hna kha amah sinin an kir`han awk ah a dawh ngaimi a hmai le a kutdong hna kha ngazukkaung aa thuh tawn.

Kum 20 a ti ah Rose cu St. Dominic i dotthumnak a simi thianghlim bu ah a lut. Cu hnu thawkin amah inn i a ummi dum hmete chung i thlam hmete chung ah semrel tein rawlulh in a rak um. Mah nu cu tukforhnak tampi hna kha zumhnak le thinfualnak in a in. Nikhat cu Pathian nih “Harnak fakpi hnuah thluchuah a ra lai. Cu caah vailamtung umloin ahohmanh vancung kainak lam an hmuh kho lai lo” tiah a rak ti.

Mah bia a theih tikah a ngan ngaimi thlarau thazaang pakhat nih lamlai ah a hruai i “Maw minung hna ngai tuah u, Kannih nih sifah temnak kan in lo ahcun thluchuah kan hmu lai lo” tiah aw thangpiin a au i a forh hna. A thihlai ni tlawmpal a rauh ah mah nu nih cun “Maw! ka Pathian, keimah sifah temhinnak kha hi nakin karhchin ter tuah. Mah harnak le sifahtemhnak nakin Nangmah i dawtnak kha ka lung chungah karhter hram tuah” tiah a ti. St. Rose cu 1617 kum, a kum (31) a ti ah a thi i Thlanglei America kha zohkhenhtu tiah thanhnak a hmu.