Mithiang Aloysius Gonzaga

St.Aloysius Gonzaga

ST. ALOYSIUS, GONZAGA (1195-1231)

Mino hna kha a bawmhchanh tu mithiang a si. Mithiang Aloysius cu kum 1568 kum ah Italy ram Mantua pawng i mi phunsang a si mi Gonzaga chungkhar in an hrin mi a si. A pa i aa ruahchannak kha tlinter awk caah Aloysius cu raltuk thiamnak kha a cawng i sitzepiah Puaipi hna le a rumra ngaimi zanriah dumnak puai hna kha a duh theng na loin a kai tawn. Amah cu mi phunsang chung hna i thil`halo an tuahnak, an zia `hatlonak hna ruangah a lung a rawk i biaknak lei nunzia ning khan um duhnak lungthin a rak ngan ngai. Amah cu rawl le ti kha zarhkhat ah voithum a ulh.

Amah le amah kha fungin aa tu. Zan`im ah khan a tho i amah a khaan i lungphel cungah a khup aa bil i thla a cam tawn. A thisa duhnak sualnak in a thiankhun nak kha kilven le dirkamhnak caah nu hna hmai ahcun a mit aa chinh zungzal. India ram in Jeruric Siangbawi chungtel mission a `uanmi hna i an thil tawn mi hna an `ialnak cauk kha a rel hnu ah amah zong Siangbawi chungtel si ve awkah a lung aa thleng.1585 kum ah cun a pa nih fakpiin a al ko na’n a pa ro kha a hlawt i Rom i a um mi Jesu bu ah a lut. Zarh 6 a rauh hnuah a pa cu Jesuh Khrih kut chungah daitein a nunnak a liam.

 A pa nih a kaltak ni thawkin amah cu a nunzia kha a remh thai. Mithiang Aloysius cu `hatnak he a tling mi zohchunh awktlak pakhat a si. Ruamkainak le i porhlawtnak ral kha a hmuh chung caah a niambik `uanvo kha `uan awkah le coka (rawlchuan) chung rian`uan awk caah nawl a hal. Kum 1591 ah Palik zawtnak a tlun tikah a dam lomi hna kha a zohkhenh nak in zawtnak nih a chawnh i (azaw ve i) thlathum hnu ah a thi. Aloysius cu kum 23 lawng a si rih. A nu sin ah a `ialmi a hnubik cachung ah “Pathian kha hmaitonh in biaknak nawl a ngei cangmi, mithi pakhat caah aihram le `ahnak in Pathian zaangfah dawtnak kha lungfahter lo awkah naa ralring lai. Kannih kan i `hennak cu zungzal `hennak a si lo, kannih cu Vancung ah pakhat le pakhat kan i tong`han te hna lai” tiah a `ial.

 

Add new comment

2 + 2 =