Mithiang Andrew (Lamkaltu)

November, 30

LAMKALTU (ZULTU) ST. ANDREW

          Hmasabik Jesuh hnu zultu a simi mithiang St. Andrew cu Gelilee ram Bethsaida ah a chuak. Amah cu Jonah fapa a si i Simon Peter he unau an si. Bawipa Jesuh tipilnak a in khawh ahkhan, Jesuh kha, “Bawipa khoika dah na um,” tiah arak haltu a si. A thaizingah Andrew cu a upa Simon Peter sin ah a kal i, “Kannih cu Messiah Bawipa kha kan ton cang,” tiah a ti i Peter kha Bawipa Jesuh sinah a rak hruai. (Jn; 1:35-42)

          Thiangthlarau a `ummi Penticost puai hnu ah Andrew cu hmun zakipah a kal i Thawng`habia kha a phuan a cawnpiak hna. Achanchan in Bupi nih a cawnpiakmi hlan pupa phunglam tette ningin, Andrew cu Greek ram Patras ah arkekarh (X) muisam Vailamtung cungah tarnak a rak ing.

          A thihhlan nihnih khengte cu vailamtung (tah) cungin mi tampi kha Thawng`habia a rak chimh rih hna. Mithiang St.Andrew cu Russia ram, Greek ram le Scotland ram hna kha a bawmtu le zohkhen kilvengtu sinak in upat pek (biaknak) a ingmi a si.