Mithiang Antony Mary Claret

October, 24

ST. ANTHONY CLARET (Bishop (1807-1870)

          Sualhram ngeilo Nu Mary lungthin thiang fa hna missionary phu (Missionary Sons of Immaculate Heart of Mary) kha a rak thawk hmasa tu mithiang St. Anthony Claret cu Spain ram Sallent khua, kum 1807 ah a chuak. Siangbawi cannak a hmuh hnu kum 1849 hnuah Anthony Claret cu Spain ram vialte ah a vak i minthangmi rawlulh thlacam missionary rian kha a rak `uan.

          Kum 1849 ah sualhram ngeilo Nu Mary lungthin thiang fa hna missionary phu kha a rak dirhthawk. An phu i a biapibik mission rian cu ram chung le ramleng mission rian`uan nak a si. Cuhnu kumkhat a rauh tikah Fr. Anthony cu Santiago de Cuba Bishop ah rian khinh a rak si. Amah cu mission uknak chung i a `halo tuk cangmi dirhmun an phanh kha a hmuh caah thlarau lei thlen remhnak kha rianrangin a rak `uan colh. A mission rian kauhnak caah Tikulh cungah cun sualhram ngeilo Nu i Sister hna phu (Teaching sisters of Mary Immaculate) zong kha a rak dirh.

          Kum 1856 ah Spain ram ah an rak auh `han i Siangpahrang nu Isbel II i Thlarau lei lam hmuhsaktu Siangbawi ah rian khinh arak si. Cu rian he komh in thawng`ha kha hmunkip ramkip ah karhter dingin Biaknak kip ah Biaknak lei santlai mi cauk hna zong a rak chuah. (The Liveria Reiligiosa of Barcelona) cu ram chung vialte ah thawng`ha karhnak le thar chuahnak (hrintharnak) ah abiapi bikmi hmun hma a rak si.

1870 kum, a thih tiangin a nunnak ah a hnubik caan hna kha France ram Mon Friar de khua i Chitesian zateik Sianginn ah a liamter. Amah a nunchung vialte ah phungchimnak 10000 le Biaknaklei he pehtlaimi cauk 200 kha a nam i a rak chuah.