Mithiang Basil the Great le Mithiang Gregory Nazianzen

January 2

Mithiang BASIL THE GREAT & GREGORY NAZIANZEN

  Nichuahlei (Orthodox) zateih hna Bishop a simi Basil the Great cu Turkey ram Sisaria khua ah kum 330 ah a chuak. Amah cu St. Gregory Nazianzen he hmunkhat in Athens khua ah nuamtein ca an rak cawng `i. Annih pahnih cu a dikmi Khrihfa sinak kha a uangthlar mi an si bantukin Biakinn le Sianginn lawngah an caan an hman. Kum tlawmpal namchih in ca an cawn hnu ah St. Basil cu biatak i zuam dingin `hetse ram ah akal i arauh hlan ah zultu tampi arak ngei. Kum 370 ah Sisiria Bishop cannak an pek i Pathian rian`uantu hna zawmtaih bia chimnak le Jesuh cu Pathian asilo a sang bik in sermi minung pakhat men a si timi zumhnak kha a rak doh.

Rawl`am tihal in a um lio ah anih cu a tai i rek in rawl`am tihal in a ummi hna kha eiawk rawl a rak phawtzamh hna. Amah i a har ngaimi a cauk hna le phungchimnak hna thawngin (the Great) timi (degree) min pek a rak si. Mirum hna kha “a tleu mi nan kutdonghrolh pakhat te nih leiba a cham kho lo mi hna kha thongchungin a luatter khawh hna,” tiah a rak ti hna. A har ngaimi rianhrang hna le biatak i zuamnak ruangah thazaang a der ngaimi St. Basil cu AD 379 ah a thi.

 Constantinople (Atu Istanbul) Bishop asimi St. Gregory cu Turkey ram Naziann khua ah AD 379 kum ah a chuak. A pa cu Nazian Bishop kum 45 chung a rak `uan. A hawi St. Basil kha i zoh chunh nak in Zateih Siangbawi nunnak i tlaih ding kha a lam a rak awng. Cachimh rian kha a rak hlawt. St. Gregory Arian mi hna zumhnak khuhchilh nak kha kum 40 tiang a rak ing mi Constantinople Bishop sinak kha AD 375 ah an rak thim.

St. Gregory cu Bishop rian`uan thawk dingin cu khua ah a rak phak tikah a cal konghnak le sifak ngai in aa hrukaihnak ruangah mi tampi nih `ha tein an rak dong lo. Asinain Thumkomh Pathian kong phung a chimnak thawngin a hnuah cun mi tampi i upat hmaizahnak a tong i “Bible thiamsang” timi degree min an rak pek. St. Gregory cu kum 390 ah a thi i aruak cu Rome khua St. Peter Biakinn ah a tu tiang a it rih ko.