Mithiang Callistus

St.Callistus

October, 14

ST. CALLISTUS 

          Mithiang Callistus cu Rome khuami sal pakhat a si. A bawipa tangka a thlau ruangah a thin a phang i Rome khua in a zaam. Vanchiat ah Estia khua ah an tlaih i, Sadium suikhor cawhnak ah danpek in an kuat. Cuhnu ah Siangpahrang Comodus i a hawi tthabik a simi Macia nih a tlangtlakpiak caah suikhor in an thlah tthan.

AD 199 ah Deacon cannak kha Pope Zafrinus kut chungin a hmuh i Apizium lam i a ummi Khrihfa thlan uktu ah rian an khinh. St. Callistus i “Vawlei tang Thlan” tiah timi hmun cu Pope hna an vuinak thlan a rak si i cucu Bupi nih hmasabik a ngeihmi vawlei a si.

          Apostat khua Siangpahrang Julian cu ruahnak palh in milem a biami khuachia a bia mi tlangbawi deu hna sinah ca in a kuatmi hna cu, “Khrihfa hna cu midang cungah dawtnak an ngeihnak le an thih tikah an pum a ni vuinak ruangah an laar” ti hi a si. Kum 217 ah Pope ah an thim i zumhnak hmaan lo hna kha teilak in a rak doh hna. St. Callistus cu midang nupi cung a sualmi le mithattu hna telh in a dang sualnak vialte kha ngaihthiamnak phung a rak thawk. Kum 222 ah martyr in thihnak a rak in. Amah kha Arium lam cungah an rak vui.

Add new comment

12 + 8 =