Mithiang Columban

November, 23

ST. COLUMBAN (563-615, Zateik lutlai)

          Ireland miphun  nganbik mission rian`uan St. Columban cu  563 kum, West Leinster ah a chuak. Mino asi bantukin ngaknu tampi nih ruahchannak tampi he an komh. Cu tikah lungthin thiang ngaimi nutung pakhat kha ruahnak a hal i, cu nutung nu nih cun, “Nu hna hi zalong tein ka hrial khawh lai ti na ruat maw? Evuah kha a ngoltak mi Adam kha naa cinken maw? Dalilah ruangah thazaang dernak tuah a ingmi Samson, Beshebah muidawhnak ruangah dinfelnak in lemsoinak a ingmi David, Ngaknu hna duhdawtnak in hlenthlainak a ingmi mifim Solomon te hna kha naa cinken maw? Minung tampi an tlak an pilnak hi tiva in i merlaw zamtak tuah” tiah ruahnak a pek. Cutikah Columban cu a chungkhar kha akaltak i zateik ah a lut.

          Kum 45 a si ah France ram, Italy ram hnaah a kal i mitampi kha phung a chimh hna. Cu lengah zulhphung (sikaan) a tetngaimi Zateik Sianginn zong a sak. Nu le khual mi lenghna kha zateik Sianginn ah luhchuahnak nawl a onh hna lo bantukin zateik hna zong nih anmah le an `uan mi rian he aa khan aa khatmi rawl lawng kha einak nawl a ngei. Annih cu Pathian kha i theih zungzal khawhnak le lei in nawlbuar thiammi sualnak hna kha hrial khawhnak caah nikhat chung i caantam deuh kha lung nuamhlo ngaiin an hmaan (um).

          A chimmi cu, “Minung cu mi kong ceihmainak le ralrin in umnak, luantukin soiselnak  kha ruah lopiin tuahnak le mi hmuhlonak hmun in sualphawt soiselnak nakin zeihmanh an tlaihchan deuh lo, thleidan theihthiamnak leikaa a ngeilomi minung cu daitein umziar awk a si. Asilo ah an chimmi (ceihmi) thil cu daihnak kha a `hancho termi a si a hau,” tiah a ti. Columban cu 615 kum, Bobbio zateik Sianginn ah a thi.