Mithiang Lucy

Mithiang Lucy

December, 13

ST. LUCY (Nungakthiang Martyr)

 Mitcawmi hna kha a bawmh i a zohkhenhtu St. Lucy cu kum zabu (3) chungah Italy ram he pehtlaimi Kutts khua Syracuse i a thiangmi chungkhar in a rak chuak. Angakchia tein nungakthiang sinak kha a sang bikah a rak chiah i Bawipa Jesuh sinah a thlithup in a rak i pekchanh.Syracuse khua in a helhmi pa pakhat kha a rak duh lo caah cu pa cu a ning a zak ngaingai i a thin a huntuk caah Lucy cu Khirhfa pakhat a si tiah a phuan.

Cu lio 304 kum ah Dioletion hna nih Khirhfa hna an rak hremlio can a si. A fekmi Khrihfa a sinak lungthin kha tluk ngalh ding caah biaceihtu bawi nih hlawhhlang inn ah tak lawngin chiah dingah bia a chah. Asinain Pathian nih lungthlen duhlonak vel a rak pek caah an tei kho lo. Cu bangin meikhangh awkah a timhmi zong an tuah kho lo.

Cu caah ralkap a cheu nih a mit pahnih kha hremai in an khuaih. Asinain hmasa nak in khuaruahhar in a rak i dawh deuh lehlam. Ahnu bikah a hngawng kha namsau pakhat in pemlak an sawh i an thah. St. Lucy cu Bupi ah minthang ngaimi martyr mithiang pakhat a si.

Add new comment

5 + 14 =