Mithiang Eusebius

St.Eusebius

2nd August

ST. EUSEBIUS (283-371)

Mithiang Eusebius cu Vercelli khua i Bishop pakhat a si. 283 kum Italy ram Sardinia khua ah a chuak. A pa cu Bupi caah a nunnak aa pek hnuah a nu nih Rome khua ah a kalpi. A thuk mi Bible relnak rian (reng) kha a hmuh hnuah Italy chaklei um mi Vercelli khua ah `uanvo an pek. Cu khua ah kum 340 ah Bishop an pek. Eusebius cu Siangbawi tampi hna he hmunkhat ah a um `i mi pakhatnak Bishop a si.

Anmah hna kha Pathian lei le thawng`habia leiah lungdong lo zuamnak tuahter awkah a `habik a thazaang hna kha teimak tein aa pek. Kum 354, Milan khua ah an tuah mi Biaknak lei hruaitu hna i ceihmai `inak ah amah cu St. Athanasius kha Arianism (Khrih cu Pathian he aa khat lo, amah cu rakser mi nunnak ngei (saram) pakhat a si i a dang ser mi vialte nakin upatnak a tongmi a si timi cawnpiaknak) ralchanhnak kha `ihlo tein (ral`hat ngaiin) a rak kamhpiak.

Cu ruangah Emperon Contantius nih amah kha Palistine le Izypt ram ah `hawlnak dan pek. Lamthluan kip ah a thilhmanh humhim tein hrukter lo in an hnukchih i an tuk an velh chih ko nain Catholic zumhnak (biaknak) kha zeitikhmanhah a hlawt lo. Kum 360 ah Constantius a thih hnuah a khua le ram ah kirnak nawl a hmuh `han. A kir pah in lampi ah, St. Eusebius cu fakpiin phungchimnak in lam palh mihna an zumhnak kha a fehter `han hna. Amah cu kum 371 ah daitein a nunnak a liam.

Add new comment

7 + 8 =