Mithiang Francis de Sales

 

January, 24

ST. FRANCIS de SALES

(Bishop le Bible thiamsang Dr.) ( 1567-1622)

            Bishop Geniva min pekmi St. Francis de Sale cu France ram Saboul khua, 1567 kum ah a chuak. A ngakchiat tein pekchanh raithawinak kha a tlaihchan mi a si bantukin zungzal in thianhlimnak kha biakam in amah cu Ngaknu thiang Mary i bawmhnak le khamhnak tangah a pum kha a pek chanh. Paris khua ah kum tam nawn pi fimnak a cawn hnu, kum (24) a siah Padua University in Upadi le professor degree a lak. Kum 1593 ah a pa nawlpeknak in Siangbawi cannak a lak hnu ah hriamtlai Protestant an tamnak (an uknak) hmun a simi Genivao tlang lei i `tihnung ngaimi Charle Blace peng lei ah mission rian`tuan dingah amah tein aa thawh. Zankhat cu cenghngia pakhat dohnak ral a rak ing i zan khuadei tiang thingkung cungah kai in a nunnak a himter. A thaizing zingka ahcun a thi deng mi St. Francis de Sale kha “Pathian nih a thimmi minung hna cu a vel thawng lawnglawng in khamhnak an hmuh te lai,” tiah a zummi phu nih an rak hmuh caah an zohkhenh. St. Francis i dawtnak le a fimnak in phung a chimnak thawngin, cu zumhnak a ngeimi hna cu Catholic zumhnak ah an i thleng. Kum 1595 chungah amah thah awkah chiat aa serhmi mithattu pa nih voihnih khengte a fanh nain khuaruahhar awkin thihnak chungin a him. A rian`tuannak karlak in caan a lak i Bupi cawnpiaknak  karh dingah thanhnak cazual hna le cauk hna zong a rak `tial. St. Francis a phak ka ahcun Charle Blace peng ah zumtu Khrihfa 20 tluk lawng an si nain a hnu kum 4 a rauh hnu ahcun zumtu a thong tampi nih Bupi chungah an rak lut. A mission teinak a hrampi kha an hal tikah amah nih “dawtnak kha hmaisa in a cawnpiakmi hna cu bia alnak kaakhat hmanh an tuah lo nain zumhnak a palhmi hna kha fiang tein a cawnpiak khawh hna.

            1602 kum ah Geniva Bishop sinak ah an rak thim ni thawkin Pathian bia cawnpiaknak, phungchim in cawnpiaknak le sualthlah ngaihpiaknak hna in lungtho ngai in rian a rak `tuan. Amah cu a nun a nem i a pesiangmi lawng si loin mikip cungah zaangfah zawnruahnak a ngeihnak kha a rak langhter. Pathian dawtnak kong hrilhfiahnak cauk chungah “Dawtnak pedan cu rikhiah loin dawtnak a si,” tiah a rak `tial. Martin an timi hnachet pa kha a inn ah a auh i kutke in biachim thiamnak he Khrihfa zumhnak kha a cawnpiak. Cu caah St. Francis kha hnachetmi hna bochan awktlak mithiang pakhat a rak si. AD 1610 kum ah St. Jane Francis Chantel bawmhnak in “Nu Mary nih St. Elizabeth sin va lennak bu” kha a rak dirh. St. Francis de Sale cu “Jesuh” tiah a chim bu in AD 1622, Louis khua ah a rak thi.

Add new comment

1 + 0 =