Mithiang Hedwig & Margaret Mary

October, 16

Ss. HEDWIG, REL & MARGARET MARY

(DINNAK AA ZUAM MI MITTHA) (1174-1243)

 Mithiang St. Dedwig cu Croatia ram i khuapi uktu bawi fanu pakhat a si. Amah cu kum 1174, Germany ram Varia khua ah a chuak. Kum 12 a siah Silia ram Siangpahrang fapa he kutsih hnatlaknak an ngei. Amah cu rawlulhnak le sual ngaihchihnak in a nun a thianter i a vapa i Siangpahrang innah Biaknak lei fakpiin i zuamnak in a um. Dap le hawhra cung lamh in a ke bakin missa a kai tawn.

Siangbawi pakhat nih a Shoe kedan pakhat kha hawhra dohnak caah i danh dingin a rak pek. Kedan loin a kal peng rih ko kha a hmuh tikah kedan khoika na chiah tiah Siangbawipa nih cun a hal. St. Hedwig cu a kedan kha a zaktang ah a tenh buin, “Ka dedan cu hika ahhin ka danh ko” tiah a rak leh. Mithiang Hedwig cu mi sifak hna, nuhmei hna le ngak`ah buangro hna kha a rak zohkhenh hna.

Thinghmuimi hna le mizaw hna cah siizung tampi a rak sakpiak hna. Amah nih ahopaoh kha zaangfah hnemhnak tuah loin a kalter bal hna lo. Voikhat cu sifak nu pakhat kha “Vancung ah um kan pa …” thlacamnak kha zarh 10 chung rauh in a rak cawnpiak.   Amah nih “Kan nunnak kha Pathian nih a auk. Cucaah nannih cu Pathian duhnak kha nan al lai maw?” tiah a rak ti bal. Cuhnu ah Zarinis zateik Sianginn ah a lut i kum 1243 ah a thi.

(Mithiang Margaret Mary – Nungakthiang, 1647-1690)

 St. Margert Mary Alacot cu Jesuh lungthin thiang lamkaltu a si i kum 1647, France ram Chanaus khua ah a rak chuak. A ngakchiat tein a pa nih a rak thihtak i sal bantukin a komh (tuah) mi a ni nih a hremnak kha ing khawhnak caah Bawipa thisa tukha thazaang laknak caah a hman. A chungkhar nih an thlauh ko bu in kum 21 a siah Pare-le-Monirel khua i kenkip vakin bawmhnak rian`uantu Sister bu ah a rak lut. Sister cannak a hmuh hlan i a nunnak cu a rak har ngaingai.

1673 kum December, 27 ni thawkin thla 18 chung khengte Bawipa Jesuh nih Biakinn chung missa cabuai (Alta) cungin a pumbakin langhnak a hmuhsak. Jesuh nih amah kha a auh i a lungthin thiang dawtnak a ngan zia kha a hmuhsak. Cu lengah midang cungah `hatlonak tuah in a hliam a sersatmi hna kha lungthlenter awk caah pekchanhnak tuah in thlacampiak dingah a rak fial.

Thlathawk zarhkhatnak cawn ninga ni fate ah lungthin thiang kha biak in pekchanhnak tuah piakding, cawn nilini fate zan`im 12 hlan suimilam pakhat a duh ah siseh, a thiangmi Jesuh lungthinthiang Puai ni zong kha tuahpiak in siseh biak ding a si tiah a rak chimh.

 A uktupa nih khan a rak zumh lo caah huham thawnnak pakhat langhter dingin a rak chimh. Cu caan bak nitlawmpal ah fakpiin a rak zaw i a zawtnak cu khuaruahhar in a rak dam `han. Cuhnu ah Mary nih, Bawipa Jesuh nih Khuachia Satan hlennak ah na phanh nakhngalo na cung upa, uktu hna hnatlaknak um loin zeithilhmanh na tuah lai lo, tiah a rak timi kha a vun i theih`han.

Cu kong cu minih an theih tikah Biaknak lei a theihhngalh mi a cheu hna nih an zumh kho lo i, Sister Margaret kha rawl (ei le din) tam deuh na ei a herh tiah ruahnak an rak pek. Van`hat ah Siangbawi Clawd La Colambiere nih cu harnak kha `uanvo a rak lak i Biaknak lei uktu hna hmai ah cu khuaruah har langhnak kha dirkamh in a rak khamh piak. 1687 kum ah Jesuh lungthinthiang upat peknak caah Prier khuaah Biakinn pakhat ansak i lungthinthiang upat pek biaknak cu Bupi chungah a karh. Mithiang St. Margaret Mary cu kum 1690 ah dai tein a rak thi.