Mithiang hna puai

November, 1

ALL SAINTS DAY (MITHIANG PUAI)

          Mithiang vialte hna cu zungzal nunnuamh daihnak Vancung ram Pradais ah Pathian he a tling i zungzal komhnak he um`inak in nuam tein a um mi hna an si. Anmah lakah cheukhat cu Bupi nih phungning in fehter an si nain tam uak cu Pathian pakhat lawngnih a theih hna. Biathlam 22:5 ah “Annih nih a hmai an hmuh lai i a min cu an cal ah aa `ial lai” a ti bantukin annih cu Pathian Vancung khua ah Pa Pathian kha hmaitonh an biaknak in an lung a riammi an si.Mithiang hna lakah a lang khunmi cu Vanmi mithiang hna i Siangpahrang nu Mary a si. Kannih vialte zong mithiang si dingah sawm mi kan si. Micheu cu Biatak ruangah thihnak innak in siseh, micheu cu zohchunh awtlak, a langkhun mi nuncan ziaza in siseh, a tang mi cheukhat hna cu nifate rian`uannak ah a `habik sidingah an i zuamnak in siseh, mithiang pakhat si dingah auh le sawm a si.