Mithiang Isaac Jogues le a hawi le hna

October, 19

 Mithiang Isaac Iogues le mithiang hna, Martyr Siangbawi hna (1642-49)

          Chaklei America in hmasabik martyr a simi hna St. Isaac Iogues le a hawi 7 hna cu France ram Society of Jesus chungtel an si. Annih kha American le Canada ram i Huron le Iogues Indian miphun hna sinah thawng`ha chim awkah thlah an si. Cu miphun hna ca le holh an cawn hnuah Biaknak lei zumhnak cauk pakhat kha a `ial i harnak phunzakip kha lungsau tein a ing buin lungtho tein zumhnak upadi hna kha cawnpiak hram a thawk.

          Annih cu an lamhruaitu hna i thilchuhnak le kaltak (tliktak) nak kha atu le atu an rak tawn. Cuve bangin a caancanah tihrah hna tannak ah an lawng hna kha anmah tein an i putcaan zong a rak um. An teinak theipar hna nih miphunte uktu cheukhat hna nahchuahnak kha a chuahter. Ca uktu hna nih cun an miphun hna cungah a tlami sifahharnak le temhinnak hna kha anmah ruangah a si tiah sual an puh hna.

          Kum 1642 in 1649 tiang a raumi hremnak chungah cu mission rian`uan hna cu li le caantiangin kah i thahnak, thihtiang hremnak in thahnak hna an in. Cheukhat cu an nung buin meikhangh thahnak an in bantukin a cheukhat hna zong Tomabawk in an lu an tan hnuah thingzum in sawh (thil) i tarnak hna an in. Canada ram i martyr hna an ral`hatnak cu a min a thang bangin Indian mi phun hna cu an thazaang `hawnnak le ral`hatnak tlin (khat) deuh dingin cu mithiang hna thi dinnak, tuahsernak kha a rak chuak.