Mithiang John Chrysostom

St.John Chrysostom

September, 13

ST. JOHN CHRYSOSTOM (Bishop & Doctor) (347-407)

 Bishop, Siangbawi hna le thawngṭha chimtu hna zohkhenhtu mithiang John Chrysostom cu (347) kum ah Turkey ram Antiak khua ah a chuak. A phungchim le a biachim a ṭhatuk caah Chrysostom (Sui hmurka) tiah min an pek. Phungchim thiam ngaimi Libernius sinah phungchim thiamnak lei a cawn hnuah biachim thiam ngaimi sihni pakhat si awk aa tim. Asinain kum 18 a ti ah Antiok Bishop Melitius ruangah a lung aa thlen i Siangbawi pakhat si awk bia a chahṭhan. 386 kum ah Siangbawi a chuak. 398 kum ah Constantinopal khua ah Bishop rian a ṭuan

Mi sifak hna kha phaisa in a bawmh hna. Cu lengah a hmurka in siseh, tehte ṭha in siseh, Siangbawi hna remhṭhannak rian kha ṭuanvo a lak. Fiangte le fektein a phuannak nih a min a ṭhat ter. 403 kum ah Siangpahrang Mazudosia kha zesebel tiah min a pek ruangah buaibainak a chuak i Betania ram lei ah ṭhawlnak a in. Arauh hlanah Constantinopal khua ah li a hnin mi cu Pathian dantatnak a si tiah an ruah caah John kha an auh ṭhan colh. 

Ahnu kumkhat hnuah Biakinn hmai i an tarmi Empire Siangpahrang nu ngun milem kha ralchanh in phung a chim caah ramdang ṭhawlnak dan an pek ṭhan. St. John Chrysostom cu a puar ngaimi a conghtu hna i hremnak le ramdang ṭhawlnak tihnung tuk dantatnak ruangah 407 kum ah a thi. A ruak kha Constantinopal khua i lamkaltu hna Biakinn ah an vui.

 

 

Add new comment

1 + 8 =