Mithiang Joseph

1st May
ST. JOSEPH THE WORKER
(MITHIANG NU MARIA I A VA PA)
Rian`tuantuhna (workers) zohkhenhtu mithiang Joseph cu pawcawmnak rian caah kutzung thiamnak (lettama) rian a `tuan mi pakhat a si (Mathai; 13:55). Amah cu Nazareth khua ah khan Maria le kutzung thiamnak a rak cawnpiakmi Bawipa Jesuh he an um. Amah i zohchunh awktlak a rian`tuannak thawngin Bawipa Jesuh cu nifa tein rian`tuannak rumra le thathutnak ral hna kha aa chinchiah. Bible ca zong nih thathutnak he pehtlaiin “Na manh hlan lo rian kha heh tiah `tuan tuah” tiah a si. (33:28)
Lamkaltu Paul zongnih “Rian`tuan a huam lomi cu rawl zong kha ei ter hna hlah u” tiah a ti ve. (2Tesalon 3:10) Mikip nihhin amah ca le a inn chungkhar zohkhenhnak, bawmhchanhnak caah Pathian nih a sermi rian chungah i bawmh in `tuan ve dingah rian kan `tuan cio awk a si. Thluachuah le a thiangmi i a hram si awk caah mithiang Benedict i a motto a simi “Thlacam law rian kha `tuan” a ti bantukin kan rian `tuanmi paoh kha Pathian sinah kan pekchanh hmasa awk a si. Kum 1955 kum ah Pope Pius (12) nih “St. Joseph the worker” puai ni kha “Rian`tuantu hna ni” he a khat dingin hram a rak thawkmi a si. Rian`tuantu hna ni cu 1889 kum ah rian`tuantu hna i a hrampi covo hna kha hnatlak piaknak caah a hram an rak thawkmi a si.