Mithiang Louis & Mithiang Joseph Calasanz

St.Louis & St.Joseph Calasanz

August, 25

ST. LOUIS (France Siangpahrang, 1214-1278) &

ST.JOSEPH CALASANZ (Siangbawi, 1556-1648)

 France ram Siangpahrang Louis cu 1214 kum ah Pouse khua ah a chuak. A nu nih amah kha Khrihfaṭha pakhat si awkah le hruaitu ṭha pakhat si awk caah a damhpiak. A nu nih “Ka dawt ka fapa, nu pakhat nih a fapa kha a dawt tlukin kan dawt ve. Asinain sualngan na tuahmi nakcha in ka ke hramah na thih kha hmuh ka duhdeuh,” tiah a titawn. Kum 19 a ti ah Siangpahrang fanu Magaret he a ni um i fa 11 an ngei. Louis cu kum 21 te a silioah France Siangpahrang a rak can i a phundang deuh mipa, pakhat le uk khawhnak a theithiammi pa a si.

A rianṭuannak paoh cu Pathian ṭhawnnak in mi sifak hna kha a khamh hna i mi ṭhatlonak kong kha zeitikhmanh ah a chimbal lo. Amah cu Bupi cungah dawtnak a ngei i sualthlahnak rian ah a laar khun.  Mithiang Louis cu amah a dohtu hna cung hmanhah zaangfahnak a ngeimi a si. A pa bia a ngai i a rak dohtu Siangpahrang fapa pakhat kha thahnak nawl an pek tikah St. Louis nih cun a duh lo, “Fapa pakhat nih cun, a pa bia ngai awk caah a al kho lai lo,” tiah a rak ti. Amah cu 1250 kum ah biaknak lei raldohnak ah a tel i a hruai hna caah thong an rak thlak. Thong a tlak lioah Pathian thangṭhatnak thla a cam zungzal.

Thong chungin a rak luat tikah France lei a kir hlanah a thiangmi hmunah a va lengta rih. Kum 1270 ah a dang biaknak raldohnak kha a tuahṭhan hoi. Asinain a ngandamnak a rawkcang i carteit peng pawngah a rak thi. Amah i thlarau leikap thih ca a ṭialmi ah, “Ka dawt ka fapa, nangmah le nangmah sualngan tuahawk na timh hlanah zei bantuk hremnak na in laiding kha nangmah le nangmah na onhawk a si,” tiah a ṭialtak.

Biaknaklei Sianginn a dirhtu St. Joseph Calasanz cu 1556 kum, Spain ram Aracon khua ah a chuak. Ahmet tein a nunnak kha biaknaklei caah Pathian sinah a rak i pekchanh. Nu pakhat i tukforhnak in luatding caah Valancia University in a chuak Akala khua ah biaknaklei fimthiam nak kha a cawh. 1583 kum ah Siangbawi cannak a hmuh hnuah, kumno Khrihfa hna i fimthiam nak an rak zia kha a theihfiang. Kum 1592 ah Spain ram in Rome khua a kal i cu khua ah zei san tlailomi hna, zeihmanh a theilomi hna, misifak hna caah Sianginn hmete pakhat a sakpiak hna. Kum tlawmpal ah mino hna le ngakchia hna fimthiamnak caah ruahchannak he biaknak lei Sianginn pakhat a dirh.

St. Joseph cu harsatnak hna le namchuk nak hna kha a thaw a dih lai tiang a in, a ton hnu ah mah harsatnak vialte kha thinfualnak le nunnemnak in a rak in. Voikhat cu a dang Khrihfa hna a ni bawm i an ruainak ruangah Joseph cu a rian an ṭhumh, sualnak a tuahmi hna bantukin lamthluang ah an hnuk an velh. Ahnu voikhat zong amah a hngarmi Siangbawi cheukhat hna nih sual an puh ruangah Bupi he pehtlaimi upadi kha a va fianter. Pope pa nih cun Joseph a rak dirh mi bu kha ngol awkah bia a chah tikah amah nih Pope kha “Pathian nih a ka pekmi thil hna cu Pathian nih a lak ṭhanmi a si ko. Pathian min cu thangṭhat si ko seh,” tiah a rak leh.  Amah cu a kum 92 kum 1648 ah khan amah a rak dirhmi bu kha an thar chuahpiak ṭhan i vawleicung kenkip ah a nunglio kha kan hmuh.

 

Add new comment

15 + 3 =