Mithiang Monica

27^th August

ST. MONICA (St.Augustine i a nu, 331-387)

            Mithiang Augustine i a nu a simi St. Monica cu kum (331) ah chaklei Africa continent, Takastre khuaah a chuak. Amah i khuaruahhar a thinfualnak nih a zia a chiat ngaimi varhirah zumhnak a ngeimi a va pa Patrisius cu a ziaza aa thleng. A thih hlan kumkhat a duh ahkhan tipilnak a in. A fapa upa bik St. Augustine zong cu amah caah piahtana nganpi pakhat ah a tang rih. Augustine cu a ngakchia tein bu chungtel ding cazin ah a lut ko nain tipilinnak sacrament kong kha zeitikhmanh ah thukpiin a ruat bal lo. Amah cu Manichian timi ralkalhnak zumtu bu ah a lut hnuah cun pumsa nuamhnak lei kha a zualter chin. Augustine cu Cateigh ram ah fimnak a cawn lioah nungak pakhat he a ni um i fapa pakhat an ngei. Monica cu mithli luangin sumnak, thlacamnak kha kumsau pi a tuah. A fapa he biaruahtti awkah a rak nawlmi fimthiam Bishop pakhat pa nih amah kha Pathian ni a tlangte lai, na mithli tlaknak, ruangah na fapa cu a rawk lai timi cu a si kho lo tiah a rak ti.

            Augustine cu Italy ram lei ah a thlithup in a kal kha Monica nih a theih tikah Milan tiang a hmuh hlanlo a va kawl. A fapa a ziaza aa thlen cang tiah a theih tikah tahchunh khawh lo tiang a lung aa lawm. A rauh hlanah Africa lei ah rak kir dingah Monica cu kal hram a thawk. Monica cu Austia tinbaw dinhnak ah tinbaw a hngak lioah fakpiin a zaw. Ahnubik bia a chim takmi cu “Ka nunnak ah hin zeithilhmanh nih lunglawmhnak a rak ka pe lo, ka nun zonghi nangmah kha Khrihfa pakhat sinak in a hmuh thiam ve hnga maw tiin ka nun hi a si” a peh rih mi cu “Ka pum kha na duhnak hmunah rak ka vui ko u, ka fapa, pakhat hal kan duh mi cu, Pathian biakttheng hmaiah na nu kha rak i thei zungzal” tiah a fapa kha a chimhtak. Amah cu kum (55) a ti ah a thi i Nuu hna kha zohkhenh kilvengtu mithiang sinak an pek. Augustine cu a cauk chungah; keimah caah kum saupi tiang a mithli a rak luangmi ka nu caah, nazi pakhattluk ka ttapmi cu ka palh tiah ka ruat lo” tiah a `ialtak.