Mithiang Nereus, Mithiang Achileus,le Mithiang Pankras

12 May Saints

Mithiang Nereus le mithiang Achileus hna cu pakhatnak zabu ah Rome chan Ralbawipa i mi ral`ha ralkap hna an si. Khrihfa lei ah an rak i mer `han tikah annih cu Rome ralkap cannak kha an duh ti lo. Cucaah Terracina tikulh ah `hawlnak dan an tat hna i Tragian a uk lio caanah an lu an tan hna i an thah hna. An thlan kha `hate in an zohkhenh i anmah upatnak caah mah hmun ah cun Biakinn pakhat an sak.

Anmah thihnak kumkhat a tlin fatin an puai chungah aa pummi hna kanmah hna hmai ah a ummi, hi mithiang pahnih hna cu hi vawlei kha an fih i daihnak, rumnak, `hatnak hna in tlaihchan a si lio can hmanh ah hi vawlei kha an kedil tangah an chiah tak tiah mithiang Gregory nih a chim. 

 Mithiang Pankras cu Sirian miphun a si. Mi lianngan phun chungkhar in a chuak mi a si. A nu le a pa an thih hnu ah a pu nih Rome ah a auh. Kum (14) a si ahcun Khrihfa zumhnak lei ah aa mer i a lehkhanmi a si. Cuhnu ah a ngeihmi chawva vialte kha misifak hna `henh awkah `uan hram aa thawk. Mah a tuahsernak cu aana a ngeitu hna zohngiatnak kha a ton caah kum (304) kum Deoclesion i hremnak le tuk velhnak chan ah khan a lu an tan i an thah.

Aurelian lam ah khan an vui i, amah upatnak le philh lonak caah Pope Marcus nih mah hmun ah cun Biakinn pakhat a sak. Mithiang Gregory nih amah kha “Lihbia a chimtu hna a lehrulhtu” tiah min asak. Mithiang a ruak pumcheu hmaiah lih le hrawkhrol in an tuah mi biakamnak vialte kha Pathian nih dan a tat zungzal hna tiah mithiang Gregory nih fiang tein a chim.

Add new comment

12 + 3 =