Mithiang Peter Canisius

December 21

ST. PETER CANISIUS (1521-1597)

 Catholic Bupi ca lei ah minthang le  lamkaltu St. Peter Canisius cu 1521 kum, Holland ram, Nijnegen khua ah a chuak. A pa lungtlinnak caah a pa duhningin the University of Louvain ah upadi fimnak tlawmpal a rak cawng. Asinain kawh auhnak (lungthawhnak rian) asilo kha kuttongh in a rak hngalhtheih i ngakchia thiang lam biakamnak (i `hi-um lo in umnak) a laak Biaknak lei fimnak cawn awkah Cologne a kal. St. Ignatius hnuzul pakhat a simi Peter Faber nih rawl ulh thlacamnak pakhat ah rawl ulh thlacam in phung a chimnak kha a ngaih buin hmakhatte ah Society of Jesus bu ah luh dingin a lung aa thlek colh.

Siangbawi cannak a lak hnuah phungchim thiamnak in a min a rak thang. St. Ingnatius nih a mah kha, “zeithil paoh ah timhhlamhnak tling he ttuanawk timhcia a simi, zohchunh awk mithianghlim pakhat” tiah an fehter. St. Peter Canisius cu Rome in Germany ah an thlah i Germany ram Khrihfa bu a ralchanhmi ruahnak upadi hna kha lehrulh in a hrawk hna hnuah mipi karlakah mithiang cannak kha a hlan bantuk phak`han dingin a rak tuah.

 1552 kum ah Canisius cu Catholic Bupi zumhnak upadi kha ram milu 90% nih an hlawtnak Vienna ah an thlah `han hoi. Siangbawi inn tampi zong umnak `halo tiangin a rawk cang i kum 20 tiang Siangbawi cannak pakhat hmanh an rak hmu lo. Peter Canisius nih cun zaangfah zawnruahnak rian`uannak in Vietnam miphun hna lungthlen dingin a rak tuah khawh. Mizaw hna kha a thlopbul hna i thongtlami hna sinah a va len hna i thazaang a pek, a hnemh hna. Cu lengah sifah santlailo hna zong a bawmh i a zohkhenh hna.

Mipi pehtlaihnak a biapit zia zong ah theihfiang i a `ha bik a ti khawhnak asimi Catholic Bupi ca lei hmun kha a ser piak hna. Amah a nunlio bakah a `ialmi biaknak lei zumhnak cauk cu voi 200 tiang an rak nam i an chuah. Holh phun 15 tiang an rak leh. Cu bantuk teinak, minthannak hna kha a hmuh nain a nunnak lamthluan ah toidornak khat he nawl kha tangdor tein a ngeih. Asinain … minthannak kha zei a relmi a si lo i Vietnem Bishop ah an rak thimnak le a bu ah hruaitu upa sinak, an rak thim tikah a rak duh lo. St. Peter Canisius cu 1591 kum, Fribourg ah a rak thi.