Mithiang Pope Pius X

August, 21

ST. PIUS X (Pope)

Bawipa thisa sacrament kha aa bochanmi Pope Pius X cu 1835 kum ah Venice khua pawng Risa khuami lothlo chungkhar in a chuak. Siangbawi cannak a lak hnuah dinhloin thawng`ha phuannak rian in amah tein a min aa than ter. 1884 kum ah Mantuvua Bishop an pek i kum 8 a rauh tikah Venice khua Archbishop a rak si. 1903 kum ah Pope sinak an thim tikah mi vialte an khuaruah a harter dih hna. Amah cu fimthiamnak lei siseh, ramdang he pehtlaih nak lei siseh zeihmanh a thiam lo. Anih cu Pathian fa menmen te a si ko.

Amah i a kuttlaih (moto) a simi “Jesuh Khrih ah zeizong te hi a thar si awk” timi cungah biahmaan chimnak a ngei i biaknak phung kha a thar thlennak le Bible lei cawnnak kha a tuah. Hmasa bik Bawipa thisa hlannak kha kum 14 siloin kum 7 an si ah hlankhawhnak nawl apek. Mi hna zong kha Bawipa thisa atu le atu hlan awk a forh hna. Cucaah Bawipa thisa sacrament i Siangpahrang Pope (Pope of the Eucharist) tiah tuanbia a ngei. Pius X cu Bupi i thawng`ha rian`uantu hna kha a santer i dinfelte le hlangfangte in phungchim awkah Siangbawi vialte kha ruahnak a pek hna.

Hnahnawh ngaimi Pope biaceihnak zung i puai hna ruangah lung`halo ngaiin a um caah a hawikom hlun pakhat kha “Jesuh kha Gethsmani dum ah an tlaih bantukin annih nih keimah kha ralkap hna an ka kulhter” tiah a chimh. Europe ram hna nih international raltuk nakah a ni tel vemi kha khamh awkah aa zuam nain in zeisan a tlailo. Austria Hungary miphun hna i Siangpahrang nih a ralkap hna kha a thluachuah pekawk a fial tikah keinih “Daihnak kha thluachuah ka pek. Raltuknak kha asi lo” tiah a rak leh. 1904 kum ah voikhatnak ralpi a tho i nitlawmpal a rauh ah amah cu a thi. Ahnubik a `ialmi thih ca chungah “Kei cu sifak ngaiin an rak ka hrin. Sifak ngaiin ka nung i, sifak ngaiin thih ka duh” tiah a `ialtak.