Mithiang Robert Bellarmine

St.Robert

September, 17

ST. ROBERT BELLAMINE (Bishop & Doctor, 1542-1620)

Mithiang Robert Betlamine cu 1542 kum ah Italy ram Monter puchi Ano khua ah a chuak. Kum 18 a ti ah a pa hnatlak pinak tel loin Rome khua i a ummi Jesuit bu ah a lut. Siangbawi ordination a lak hnuah Belgium ram i a ummi Loving University ah an thlah. Mah University ah Protestant Professor hna he i ton le i ceihmai awk caah a si. Kum sarih a rauh tikah a thianghlimnak le a fimthiamnak thawngin Rome khua i a ummi College pakhat Theology chimh dingah `uanvo an pek. Catholic zumhnak kha a dirkamhmi a cauk hna chungin I Bia alnak timi cauk cu a `ial dan a `habikmi cauk pakhat a si caah an chuah `han lengmang.

Mah cauk cu a thukmi Bible ca kong le Bupi chung i a lubik a simi hna kong a `ial  i Protestant tampi hmanh nih a `ialdan cu minung pakhat `ialmi a si ko tiah zumhkhawhlo tluk tiangin a `ha. Mah cauk cu an zuar bikmi cauk ah a rak cang. London khua i cauk a zuarmipa nih cun mah Bishop pa a `ialmi cauk hin phaisa luhnak a tambik tiah a ti. Robert cu a laarmi Pathian bia cauk hna zong a `ial i mah cauk hna zong cu Jesuh i zohchunhnak cauk le Bible cauk chim loin cun a dang cauk hna nakin tamdeuh an leh `han. 1598 kum Cardinal an rak thim hnuah Trenh Council i biachah thawngzamhnak hna kha a rak tuah.

Vatican ah rank sangpiin a um nain Paungmungh(bread) le khachuanrang lawng a rak ei i a khan puanzar hna kha sifakmi a pek hna. Kumli a rauh hnuah kamua khua Bishop a rak cang. Biaknak lei rianah hmuhtonnak a ngeilo nain Bishop a rak tikah cun a ca le a cauk `ialmi hna kha a kal tak i mino mission rian a `uanmi bantukin lungsau tein mipi sin ah thawng`ha kha a phuanthawk. Cuhnuah Pope Paul V nih Rome ah a auh`han i Library uktu a si lawng siloin a biapimi kongkau zong a tlaihchih i a ceih hna. Amah cu 1620 kum ah a thi.

Add new comment

14 + 0 =