ST. ISIDORE OF SERVILE (560-636)

April, 4

ST. ISIDORE OF SERVILE (560-636)

(Bishop le Bible thiamsang)

            Servile khua Bishop a simi St. Isidore cu 560 kum, Spain ram, Cartagena khua ah a chuak. A u nih fak tukin a rengh caah cu lio chanah a fim ngaingai mi thiamsang pakhat a rak si. A u nih lampial ah a kal sual nakhnga lo thonginn chung hna ah a rak khumh tawn. Kum (600) ah Sivile khua Bishop riankhinh a rak si i Jesuh Khrih kha Pathian sinak zum lo mi phung zulmi hna kha thilhmaan an theihthiam nakhnga a rak bawmh hna. 633 kum, Tolido khua i an rak tuahmi a voi (4) nak tonpumhnak ah hruaitu upa a rak ṭuan. Cu tonpumhnak ah biaknak zulhphung zohchunh awk fehternak kha an rak thanh. Europe ram tam deuh ah hruhhrang nunzia um tuning lei ah duhsah in a rak panh lio ah Spain ram cu nun phung baho (hmunpi) khua a rak si caah St. Isidore kha upat awk ngai a si.

            Isidore cu cauk tampi a ṭial mi caṭial thiam saya pakhat zong a rak si. A cauk tampi hna lakah Science lei fimnak tampi a khawmh i a ṭialmi (Biafang chuahkehnak) timi a tlingmi cauk cu a biapi bik cauk pakhat a si. Chanlai i Siangngakchia caah duh nungmi Siangca cawnmi cauk zong a rak si. Cu cauk cu zabu kum tampi zohchih mi cauk ah a rak tang. Isidore ṭial mi “Biatlang hna i cauk pathum” cu Khrihfa zumhnak le ziaza caah Bupi i hmasa bik kuttlaih cauk a si. St. Isidore nih “Thlacamnak bia a siloah thlacamnak cu kannih kha a kan thianh i carelnak nih lamding ah a kan hruai; a si khawh ahcun a pahnih in tuah ahcun a ṭha. A sikhawh lo ahcun thlacam cu carel mi nak in a ṭha deuh” tiah a rak ṭial.

            A nunnak a dih tiang sual dantat innak le pum i suumnak kha tuah a rak i zuam. A thih lai a hnu bik thlaruk ah a Sianginn (a inn) ah nazi (24) chung misifak hna nih kulh in an khah tiang a dawtnak kha san chinchin aa zuam. 636 kum ah, a hnubik Sacrament a hmuh hnu ah amah lei a ba mi hna kha a ngaihthiam hna. A tangmi a chawva thilri hna zong misifak hna kha a ṭhenh hna i Khrih sinah daitein aa din.