ST. JOHN OF GOD (1491-1550) (Athiang mi)

       St. John cu 1491 kum Portugy ram ah achuak. Spain ralkap ah aṭuan i cukaah ṭhatlo nak aphunphun a rak ton hnuah aangaichih ṭhan i Pathian sin biakam in a pum apek. Kum 40 asiah St. John cu martyr siawk ruahchannak he Africa lei ah arak kal. Spain ram lei a rak kirṭhan hnu ah Karanada khua ah Biaknak lei zuk le cauk dawr arak tuah. 1538 kum ah John cu Aville khua thawkin phungchim kha arak uartuk caah mihrut bantukin a um caah lungthin lei siizung ah atu le atu akal lengmang.

          Cu bantuk hmuhtonnak ruangah John nih mizaw, misifak hna kha zohkhenh khawhnak caah siizung thar sak aherh tiah arak hmuh. 1539 kum ah cu Karanada khua ahcun a hawi cheukhat he “Brothers of Hospitallers” bu an rak dirh. Adinfelnak caah khan cu khua i Bishop nih “John of God” (Pathian mithiang John) tiah minthar a rak pek. Hal hna a duh tikah “Mi caah ṭhatnak tuahmi nakin mah caah ṭhatnak tuah u” timi hla i Chorus kha a sak tawn. Nikhat cu Bishop pa nih “Anmah siizung cu nu ṭhalo hna i dornak inn asi, tiin sual an puh nak kong he pehtlai in bia arak hal” i St. John nih toidortein “Keimah siizung ah keimah dah tilo cun miṭhalo pakhat hmanh an um lo” tiah arak leh.

          1550 kum ah Pope Leo XIII nih St. John cu, St. John siizung hna zohkhenh kilvengtu asi, tiah a rak thanh.