ST. STANIS LOUS (1030-1097

April, 11

ST. STANIS LOUS (1030-1097)

(Bishop le Martyr)

Krakaw khua Bishop a simi St. Stanis Lous cu kum 1030 ah Poland ram Sezepanaw khua ah a rak chuak. Amah kha Bawipa Jesuh sinah a rak pechanmi a nu le a pa an thih hnuah a ngeihmi chawva thilri vialte kha mi sifak hna a `henh hna i Pathian he pehtlaimi ca lei cawnnak kha a thawk. Ca a cawn hnu ah (Monsigiaw) (Msgr) Lampert kutcung in Siangbawi cannak a lak. 1072 kum ah cu Monsigiaw (Msgr) rian a chon. Amah cu kumfa tein a uk chung peng le ram kha a tawn hna i Siangbawi hna le Khrihfa hna sin ah Thlarau thazaang thar a phawrh hna. A inn ahcun mi sifak hna he an khat peng. Nu hmei hna le fihnung in harnak a tong taktak mi hna an min cazin a lak hna i a hmanning tein a hlu tangka le thilri a phawtzamh hna.

            Culio caan ah Poland ram cu King Boleslaus II nih a rak uklio caan a si. Cu Siangpahrang cu a hornak diriam dingah vangei mi nu a rak leekpitu pa a si. St. Stanislous nih hi bantukin Pathian duh lo mi a tuah caah fakpiin sual a phawt caah Siangpahrang pa cu a thin a hungtuk i mithiangpa kha a tlerh hnu ah ton biaruahnak cu a ngol.

            Bishop cu, cu bantuk a lung a khongmi pa caah Bupi chungin `hawlnak hlei in a dang thim awk a ngei ti lo. Cucaah Siangpahrang cu Krakaw khua Bishop inn ah a rak luh tikah Bishop nawl peknak in pumhnak caanhmannak kha an rak ngolcolh. Siangpahrang cu a thin a hung i St. Stanislous kha a tlaih i khua leng St. Michael Biakinn hmete ah a hruai hnu ah missa a tuah liopi ahcun a thah. Cuhnu ah Siangpahrang cawngtu hna nih a ruakpum kha nam in an can i sahrang nih a seh ti phun in an vor dih. St. Stanislaus cu kum 1097 ah a rak thi i a thilhlun hna cu Krakaw khua Bishop inn ah an chiah.

 

Add new comment

3 + 7 =