St.Bernard

August, 20

ST. BERNARD (1090-1153) (Abbot & Doctor)

(zateih le Bible thiamsang)

            Mithiang Bernard cu Claivaux Sianginn uktu Zateih a si. 1090 kum ah France ram Fountainess khua phunsang chungkhar in a chuak. Kum 22 a ti lio Biakinn pakhat chungah thla a cam lioah Citeaux khua i Cistercian Monks (zateih bu) ah luh awkah Pathian bia thlam a theih. Tehte a khannak cu milung a suktuk caah a hawikom hna, a unau hna le a rualchan 30 hna cu a hnu an zulh i Zateih ah an rak lut ve. kumthum a rauh hnuah Bernard cu Zateih 12 hna he Wormwood horkuang i ramlak pakhat ah Zateih Sianginn thar pakhat sak ding ah an thlah. Amah i a thianghlimmi thawngpang cu a pa telh in zateih 130 hna kha an lung a thawhter khawh hna. Nikhat cu tukforh nak nganpi kha teiawk caah hawhratluk dengmang a kikmi ti chungah aa paih. A dang voikhat cu hotel ah a riak lioah nu`halo nu pakhat nih a thlaikalawng piin a rakhnawh caah a tliktak. Cu tiin a thianghlimnak kha aa khamh.

            Hmelchunhnak tampi cu amah thlacam halnak thawngin a si tiah an ruah. Voikhat cu tarpa pakhat a thih laiah sualthlahpiak khawh awkah biachim ternak kha a tuahpiak. Avoidang ah Foigny Biakinn ah a bupiin a rak zuangmi Tho tampi hna cu chiat a serh hna i an thi dih colh. A thawngpang cu a thang ngaingai caah Siangpahrang fale le Pope hna cu amah sinah ruahnak an hal tawn. Bupi ral a simi hna hmanhnih a thianghlim nunnak le a laarmi a ca `ialmi hna kha an upat ngai. 1144 kum ah Pope Eugene III nih a voihnihnak Crusade ral dohnak caah minung khomhnak biachim awkah nawl a pek. Meialh bang a biafang hna nih a `hangh hna ruangah Khrihfa tampi hna cu a thiangmi hmunah an chuak cio. Sihmanhsehlaw Crusade ral cu ngaichiat ngai sunghnak in a dong. Hi kong hi kan zoh tikah mithiang pawl hmanh hi a chel ahcun an palh kho ve ti tehte a langh ter. Amah cu 1153 kum ah a thi.