St.Sixtus II & St.Cajetan

7^th August

ST. XYSTUS II LE A HAWILE HNA (+250)

(Pope le Martyrs)

            Mithiang Xystus cu 257 kum ah Pope an thim. Thla thlawmpal a rauhah Emperor Valerian cu Khrihfa hna hrem hram a thawk. Amah nih biaknak he pehtlaimi meeting le pumhnak paohpaoh kha a khap i Bishop hna, Siangbawi hna le Deacon hna kha thihdan a pek hna. Xystus II kha Appian lam i a um mi St. Callitus i vawlei tang thlankua ah, Missa a tuah lioah an kawl i an hmuh. A `hutnak `hutdan cung bakah an tlaih i an `em hnuah Deacon pali hna he an lu an tan hna i an thah hna. Xystus II cu vawlei tang thlankhor ah an vui. Amah cu St. Peter hnu ah an upat bikmi Pope pakhat a rak si.

ST. CAJETAN (1480-1547)

            Mithiang Cajetan cu Theatine Clerks Reqular a thawktu a si. Kum 1480 kum Italy ram Vicenza khua ah a chuak. Padua University ah upadi paraku degree a hmuh hnuah amah umnak khua ah University uktu member in kumhnih a `uan. Mah rianah khan a lung a tlinlo caah Pathian auhnak a hmuh tiang Rome khua ah a `uan.

            Kum 1516 ah Rome khua ah Siangbawi caannak a lak. Tlawmpal a rauh hnuah amah nih Clerks Regular mithiang bu kha a tuah. Amah a chungtel hna cu an bu he um `i awk kha an cohlan i an chuang `i hna. Asinain Bupi rian`uannak zongah an i tel ve. Annih cu Pathian bia cawnpiaknak, misifak hna bawmhnak le Siangbawi, Brother hna remh`hannak caah an i pekchanh. An bu chungah a lutmi Bishop kha (Theate khua i bishop) upatnak caah anmah kha Theatines tiah an auh hna. 1525 kum ah, Rome khua an hrawh hnuah Cajetan le a hawile hna cu Vinice le Naples khua ah an zam. Cu khua ahcun hmunthar an khuar. Amah i lamkaltu rianah dinh loin a `uannak ruangah a ba tuk i 1541 kum ah daitein a thi. Amah sibawipa nih a hakmi thingphel cungah it lo in a nemmi ihpha cungah na it lai tiah ruahnak a pek tikah, amah nih, “Aka khamtu nih Vailamtah cungah thihnak a in. Keimah hi a tlawmbikah thingphel cungah thihnak nawl ka pe ko” tiah a leh.