Sts.Peter le Paul puai

Matthai 16:15-19 "Cun a thawh hna i, “Nannih tah, aho a si nan ka ti dah?” tiah a hal hna." "Simon Peter nih a leh i, “A Nungmi Pathian Fapa, Messiah kha na si,” tiah a ti." "Jesuh nih cun, “Johan fapa Simon, mi vanṭha ngaingai na si! Zeicahtiah hi biatak cu minung sinin na hngalhmi a si lo i vancung i a ummi ka Pa nih an pekmi a si. " "Cucaah cun nang cu lung tum, Peter, na si, kan ti. Cun hi lungpi cungah hin ka Khrihfabu hram ka bunh lai i cucu thihnak hmanh nih a tei kho lai lo. " "Vancung Pennak hunnak tawhfung cu kan pek lai i vawlei cung i na hrenhmi cu vancung zongah hrenh a si lai i vawlei cung i na awnhmi cu vancung zongah awnh a si lai,” tiah a ti."

Zeiruang ah Catholic bupi nih Mithiang Peter le Paul an pahnih puai hi hmunkhat te ah asiloah nikhat te ah a tuah tti ti mi hi ruah awk a um.  Peter le Paul hi an dir hmun le a sining ai khat bak lo mi an si. Bawi Jesu nih a kawh auhnak le an fimthiamnak zong a khat lo. Mithiang Peter cu ngatlai a si I fimthiamnak lei ah Paul tluk a si lai lo. Paul cu mifim cathiam a si I biachim holh rel zong a thiam. Asinain Peter cu Jesuh Khrih nih a bupi a zohkhnenhtu a lu bik sinak nawl a pek. Paul cu a biachim le a holh rel thiamnak in bupi dirkamh ding le pialsual pawl le kalsual pawl ral in a bupi chanhchuah le mi vialte sinah kal in Khrih Thawngttha phuan ding pahrang a pek Catholic bupi caah suttung(inn tung) a si mi mithiang Peter le Paul hi an si ning le an fimthiam nak hi vawlei tafung in kan tah ahcun an i lawhnak a um lo. Paul cu mifim cathiam a si i Peter cu ngatlai a si. An pahnih in Catholic bupi caah a biapi tukmi an si. A tu kan chan zongah Peter bantuk in fimthiamnak zei hmanh a ngei lem lo nain Bawipa caah zumhtlak hruaitu kan herh. Paul bantuk in bupi caah mifim cathiam le miralttha kan herh rih.