St.Stephen of Hungary

August, 16

ST.STEPHEN (HUNGARY) (969-1038)

(ATHIANGMI)

  Mithiang Stephen cu Hungary Siangpahrang a si i 969 kum ah Gran khua ah a chuak. Mah Hungary miphun tampi biaknak lei ah an lung an i thlennak kha zulh in kum 10 a ti ah tipil a in. A ram chungah raltuknak a pehpeh in a chuaknak kha a daihter hnuah a pennak aana vialte kha Bawinu Mary uknak tangah a pekchanh. Amah nih anawl caah Pope nih a Siangpahrang luchin he a pennak ram chung vialte ah Bupi ser awkah thawng`ha phuangtu a thlah hna. A kuttang kha buaktlak te le daite in a komh hna.

Sifak retheimi hna bawmhnak ah le a hlu peknak ah zeitikhmanh ah hnem lo dingin amah le amah bia aa kam. Pupa zumhnak i hnuhchih nak kha a hrawh i Pathian cemchih in bia chimnak, firnak le nu le va ningkel lo in umnak hna kha fakpiin dan a tat hna. A dawtmi a fapa Emeris cu ramvaihnak in a thih tikah amah nih “Pathian nih a ka dawt caah ka fapa kha tuan tein a auh” tiah a ti. Siangpahrang Stephen cu kum 1038 ah a thi i Hungary ram zohkhenhtu tiah thanhnak a hmu.