St.Wenceslaus le St.Lawrence Ruiz

St.Wenceslauslaus & St.Lawrence Ruiz

September, 28

ST. LAWNRENCE Ruiz (+1636), & ST. WENCESLAUS (mtyr) (917-929)

Hmasabik Philipine mithiang pakhat simi Lawrencezosic cu Manila khuapi Tuluk miphun hna an umnak sangah a chuak. Amah cu Philipine nu he a niṭhi um i fa (3) an ngei. 1636 kum ah Binondo Biakinn ah zung cazi rian a ṭuan lioah Spain miphun pakhat thahnak kongah sual an puh. Amah thahnak ral in luat awk caah Japan lei a kal hngami Dominican Missionary hna he an kal ṭi i a zam. Okinaka khua ah Tinbaw a phak tikah an tlaih hna i fak ngaiin an hrem hna. Mah martyr hna an paw cungah ralkap cheukhat hna nih an kai i an lamh tikah an ka, an hnar, an hnakhaw hna in thi he aa cawh i a rak chuakmi pungkhattluk a simi ti kha an dinter hna.

               Thir saupi hna in an kutdong chungah an chunh hna i fakpiin an fah ter hna. Ahnubik nak ahcun ekhaang he a khatmi khor chungah khan an bingtalet in an chiah hna i duhsah tein fihnung in an thih ter hna. Lawrenzosic cu an thah hlanah kei cu Phungbia zumtu Khrihfa pakhat ka si. Jesuh Khrih caah thih dingin ka um ko, Kum thongtampi ka nun zongah Jesuh Khrih caah ka thi lai tiah a chimtak.

 Japan hna caah holh lettu zuarthlaimi Siangbawi pahnih hna cu mah i paral ṭha lungthin le a fekmi zumhnak thawngin an lung an i thleng ve. Mah Siangbawipa cu a sican ning vialte kha thawngthanh dingah Manila lei a kal hngami a hmasa bik Tinbaw in a rak ra. Lunglawmhnak hmelchunhnak caah Archbishop pa nih Lawrensic upat peknak caah khuachung i a ummi darkhing vialte kha a tumter hna.

               St. Wenceslaus cu AD 907 kum ah Zich ramah a chuak. Amah cu Bohimia khuami hna kha a zohkhenhtu mithiang a si. A nih nih khan Khrihfa pakhat a si nak hnga a rak cawnpiak i a zeipoah nakin Pathian kha dawt awkah le minung hna caah salcan awk kha a rak cawnpiak. Kum (18) a ti ah hin Siangpahrang a rak si i Khrihfa zumhnak lei kap in fektein a dirkamh i, khua uktu le peng uktu hna i ṭhihphaihnak le zaangen nak in sualdan a tat hna.

AD 929 kum ah a Siangpahrang ṭhutdan kha chuh awk ah a thli tein aa timmi a upa Laysloc umnak peng lei ah zumhtlak lo ngaiin an auh. Wenceslaus cu zingka Missa ngaih dingah a kal lio, a upa nih cun Biakinn kutka in a bawh i a rak tuk. Amah nih a tluk lioah a upa kha kan ngaihthiam ko tiah dintein a chimtak. Amah kha Paraku khua Tamaingtus Biakinn ah an vui. Ahnu ahcun mah hmun cu khuaruahhar thil a cannak le Pathian biami tampi an ratnak a laifang a rak si.

 

Add new comment

6 + 1 =