A thiangmi Carlo Acutis

Tuesday, October 13, 2020

Blessed Carlo Acutis

----------------------

Amah tuahsernak cawn i zuam hna u sih. Hi bantuk a dawh taktak mi zumhnak, ruahchannak le dawtnak tehte khaannak caah Pathian cungah lawmhnak um ko seh.

1. Ka nunnak ah Ngaknu thiang Mary lawnglawng hi ka nu asi.

2. Bawipa thisa kan hlan deuh deuh Jesuh he kan i lo deuhdeuh, cu tikah Vawlei cung ah hin, vancung ram thlum alnak kan hmuh khawh lai.

3. Bawipa thisa hmai ah kan dirnak thawngin, a thiangmi ah kan cang.

4. Kanmah nak in harsatnak a tong deuhmi tampi an um.

5. An zohkhenhtu vancungmi hna sinah bawmnak hal zungzal ko. An zohkhenhtu vancung mi hna cu na hawi thabik an si lai.

6. Zei hmanh tih hlah. Zeicatiah Jesuh minung a cannak thawngin thihnak cu nunnak ah a thleng cang i,cu lam in luat a har lo. Zungzal nunnak, minung nih tah khawh lomi pakhatkhat nih a kan hngah ko.

7. Jerusalem khualipi cu na innka te ah a um ko.

8. Minung dihlak hi Pathian nih a serning tein a chuakmi kan si, sihmansehlaw mi tampi cu midang si duhnak in an thi.

9. Jesuh he a zungzal in nai deuh in um hi ka nunnak ah kaa tinh mi a si.

10. Ngeichiatnak cu mah le mah aa zoh i lawmhnak nih cun Pathian lei a hoih.

11. Keimah si loin Pathian a si.

12. Kan thlacamnak ah kan hal hnga dingmi cu thiannak thinlung asi awk a si.

13. Kan thlarau cu a alhmi mei nih a cawi mi ballon he aa khat. A ngan mi sualnak kan tuah sual tikah kan thlarau cu vawlei ah a tla. Sual thlanak cu ballon tang in a um mi mei bantuk in kan thlarau a thawhter than. Cucaah sualthlahnak ngeih lengmang a hau.

14. Ka nun chungah minute pakhat te hi Pathian a lawmh ter lomi thil pakhat caah caan ka hman lo caah thih ding hi ka tha a nuam ko.

15. Kan i tinh mi cu donghnak a ngeimi si loin donghnak a ngei lomi asi awk a si. Donghnak a ngei lomi cu zungzal kan umnak hmun a si.

16. Bawipa thisa cu vancung ram kalnak lampi a si.