Pathian, Kan Chem Piak

Pathian Kan Chem Piak (Brono Khuk Hei)

Pulrai thlisaar a hrang, Lungrawn khuazung maw ai, thliing kik in thla a zau, tuksum hri rai tawn lai phang. Hawi dawt zaṭial tlaih hmanh, sumṭing hmulthi ling e, chungtling innkhar khumh in maw kan ther le kan phan.

Aw Pathian chem thiang law pulrai chia hi, cu tin lunglawm le thanuam in, kan tlongleng ngam ve lai nangmah thawng in kan ther phan nak sian a rem hnga.

Kan biak run inn nuam zong, rai run inn ko a hluan. Rizung mual liam cheu khat ruak hmanh hum ngam lo ten. Lungduh diriam tawk in, tuam hlawm thiam awk ṭha lo. A poi tuk e rai chiam, kan ram na rak lut hi.

Aw Pathian Thiangthlarau, run tin ah kan leng law, chun zan in kan caampi, teinak puan thiang rak kan aih ko. Khuk bilh in kan in hal, kan himnak le damnak, Pathian nangmah lo cun bochan ding kan ngei lo.