Bishop Stephen Yang Xiangtai (RIP)

Rian aa dincang mi Tuluk Catholic Bishop a thi

Tuluk ram Handan Diocese in Emiritus (riandin mi) Bishop Stephen Yang Xiangtai cu damlo ruangah ni 7 chung siizung ah a umhnu October thla ni 13, a kum 99 ah a thi.

Handan Diocese i an thanhmi bantuk asiahcun Bishop Stephen cu Pathian cungah zumawk tlak tein a umtu, mikip cungah zaangfah dawtnak a ngeitu, menmen in nun a hamngtu asi i a tuurun caah kum 72 chung pumpek in Pathian riantuantu asi an ti.

1966 kum July thla, Tuluk nunphung raldohnak dihin tlaihkhip a tong i Wu’an checknak camp ah an kuat i cuka hmunah cun kum 15 chung thong an thlak.

1949 kum ah Tlangbawi cannak a hmuh i 1996 kum ah Bishop  Ordination a hmuh. Tuluk ram Catholic Diocese i cawlcanghnak leiah a thawngbik Handan Diocese kha 1999 kum in a Mission rian ttuanvo hram a thok  i 2018 kum ah Catholic Khrihfa milu 18,0000 a um an ti.

Phun le zainak zeihmanh ngeilo in a Mission rianpi cu kum 72 chung a tuurun hna kha a hruai i a zohkhenh khawh tiah thawngpang kan theih.

A thicia mihna an thlarau cu Pathian daihnak chungah i din ko hna seh, Amen

https://bit.ly/3pkoQ14