A thicia mi thlarau hna caah thlacampiak nak ni ah Indulgence “Sual ngaihthiamnak” hmuh khawh ning

A tling mi Indulgence hmuh khawh ning
1. A tling mi indulgentia hmuh khawh nak hnga ding caah November 1-8 tiang thlaan hmun ah kal in thlacamnak siseh,
2. November 2 ni “A thicia mi thlarau hna caah thlacampiak nak Ni” Missa thawipiak nak ni ah Biakinn thiang ah kal in “Bawipa cawnpiak mi thlacamnak”, “Lamkal tu hna zumhnak bia thlacamnak” siseh camnak in a tling mi indulgentia hmuh khawh a si.

A tling lomi Indulgence hmuh khawh ning
3. Thlaan hmun ah kal in thlacamnak(Rosary le a dangdang thlacamnak) in siseh,
4. “Maw Bawipa Pathian, a thicia mi hna thlarau cu na zangfahnak thawngin, na daihnak chungah i din ko hna seh” timi thlacampiak nak in siseh, hmuh khawh a si.

Indulgence sullam cu sualnak caah temh in hnga dingmi hna chungin “tling cikcek in siseh”, “tling dih lo in siseh” sual ngaihthiam sinak kha a si.
Indulgence hmuh khawh ning hi zumhnak ah phun hnih in a um.
(1) Siangbawi te sin sual thlahnak tuah tikah sual ngaihthiamnak (absolution) hmuh mi hi tuah sualmi sualnak ‘guilt’ (Culpa) hna caah ngaihthiam dih cikcek a si lo. Sual dantatnak in a hau rih (Siangbawi te pek mi dantatnak a simi, thlacamnak in siseh, tthatnak tuahnak in siseh, dantatnak pek mi tuah hnga dingmi vialte hna tuah dih ding a hau rih).
(2) Indulgence pek hnu zongah Bupi cawnpiak mi zumhnak ah “thianternak hmun”(purgatory) timi hmun a um rih. Cu hmun ah cun thih hnu ah intuar hnga dingmi (sual dantatnak tlinh loin- tuah loin thih tikah (or) sual ngaihthiam nak hmuh manh loin thih tikah dantatnak in hnga dingmi) a si.
Indulgence timi hi bupi nih kumkhat ah rikhiah piak mi caan te lawngah pek mi le hmuh khawh mi a si. A tling lomi indulgence timi cu, siangbawi te sin sual thlahnak tuah ko nain dantatnak tlinh loin a um mi hna caah a si.
NOTE….
(Tu lio caan cu ral le rai kar lakah um lio caan a si caah November thla chung vialte hi mah le caan aa rem lio caan ah kal ding le tuah dingin onh piak a si.)