Fatima Bawinu Mary

Vawlei ah Daihnak a lennak hnga le Rusia caah Rosary thlacam piak usih.

Catholic Bupi nih May 13 ni cu Famitima Bawinu puai a kan tuah piak. 1917 May 13 ni ah Portugal ram, Fatima khua hmete ah ngakchia pathum Francisco, Jacinta le Lucia unau hna sinah Bawinu Mary nih langhnak a tuahmi ni kha Fatima Bawinu Mary puai tiah ti a si. Hi ngakchia uanu pathum hna cu tuu an khalh lio ah puanraang he aa thuam i ni nak in a tleu deuh i a dawh ngaimi minu pakhat cu burbuk cung i a dir kha an hmuh.

Bawinu Mary cu, 1917 kum May 13 in October tiang, thla fatin ni 13 ni poah ah mah ngakchia pathum hna sinah cun langhnak a hmuhsak hna i bia a ruah hna.  Cuticung Bawinu Mary aa langhnak kong cu an pawngkam le pengtlang khua ah a thang. Bawinu Mary nih mah ngakchia hna sin ah cun “ hi kumzabu chung ummi pa, nu le ngakchia hna sin i biacah awk ah Pathian nih a ka thlah” tiah a chimh hna.

A mah Bawinu Mary nih a fialmi hna thlacamnak, sualnak kha hrial in nun zia remnak a mah lungthinthiang sin ah i pekchanh, i apnak hna nan tuah ahcun Pathian nih daihnak an pek hna lai tiah bia a kamh hna. Cu kong cu ngakchia hna nih mipi kha an chimh ve hna. Micheu khat nih cun hi ngakchia pathum hna an chimmi le Bawinu langhnak an hmuhmi cu an zumh I a cheukhat nih cun an zum lo. 1917 October 13 ah hmanung bik langhnak a hmuhsak.Fatima langhnak ah a bik in Rosary thlacam ding ah le a bik in Rusia hi Bawinu lungthian thiang chungah pekchanh ding zong aa tel.

Photo:credit to original owner