Pope Francis Kazakhstan a phan

Pope Francis cu amah i tuukhal khual a tlawnnak hmun Kazakhstan i Nur-Sultan Nazarbayev International Airport ah September ni 13 sml 1:27 pm Local time ah a phan.

President Kassym-Jomart Tokayev, ramchung aiawhtu le biaknaklei hruaitu hna nih Pope Francis cu Asian laifang i ram nih an don.

Pope i ahmasabik Kazakhstan a tlawnnak cu ziaza dawh in thil tuahmi asi i rampi aana ngeitu hna, ram rianhtu hna le ramkhat le khat pehtlaihnak rianṭuantu hna he president siangpahrang innpi ah an i tong lai.

Pope i Kazakhstan a tlawnnak cu a voi (7) nak vawlei cung hruaitu hna le nunphung biaknak hna meeting ah telding asi.

Pope Francis cu September 13 zinglei i meeing honnak ah aa tel lai i rampi 100 in aa telmi hna kha a biak chonh hna lai.

Remdaihnak ca i Biaknaklei Secretary General; Prof. Azza Karam nih “Pope Francis aa telnak hi avoi (7) nak vawlei huap biaknak lei tonpumhnak i hmanthlak kha a cawisan ko lai” tiah hmuhnak a pek.

Prof. Karam nih Pope cu biaknak lei hruaitu asi i nuncan ziaza lei ṭ uanvo hna tlingtein a tuah i mibu hna damter ding le buaibainak hna kham awkah a herhnak kong a fianter lai tiah a chimchap rih.

Cuasicaah, buainak hna kha zeitindah aphi kan kawl lai i kan hrial lai timi cun, zumtu hna nih kanmah le kanmah remdaih deuh tein kan umlai timi telhchih in amah nih a kan chim lai tiah Prof. Karan nih a chimchap rih.

Pope nih nihnih chung tonpumhnak cu September ni 14, chunhnu ah ahnubik thanhmi ca relnak he a donghter lai.

Pope nih Kazakhstan i Catholic Khrihfa hna sinah amah i naih tein a umnak le thazaang a peknak hna kha a chim.

Cacawn nithum ni ah Nur-Sultan i “Expo Grounds” ah Catholic mibu tlawmte caah Amah nih Missa Raithawinak a tuah lai.

Kazakhstan milu nuai 19 million chungin Catholic Khrihfa milu cu zatuak 1% te lawng an si i zatuak 70% cu Muslim le zatuak 25% cu Khrihfa, atamdeuh cu Russian Orthodox an si.

September 15 ni ah Pope Francis nih Bishop hna, siangbawi hna, seminarian hna le rampi i biaknaklei pumpetu pa le nu (Religious) hna he Our Lady of Perpetual Help, Cathedral ah a ton hna lai.

Karaganda i Catholic Seminary Sianguktu Fr. Ruslan Rakhimberlinov nih, Vatican News ah a chimhmi cu hmun-um mibu nih an ram ah Pope kha inntek in an cohlan khawh caah thluachuah asi, tiah an zumh a ti.

“Kan caah, Pope Francis i Kazakhstan a kan tlawnnak cu hika i Catholic mibu hmete, Kazakhstan i kan ‘tuurun hmete’ thazaang ngahnak” caah caanṭha hmuhnak pakhat asi tiah Father nih a chim.

Pope Francis cu Rome ah cacawn nili zaanlei sang sml 8:00 pm (Rome time) ah a kirṭhan lai

https://bit.ly/3xmry9l