TLANGBAWI CANNAK HNA (2023)

Tlangbawi cannak Puai an tuah

November 19, 2023 ni ah Rezua Parish, Ruava (B) khua ah, Deacon Sixtus Thawng Uk cu Tlangbawi cannak Ordination a hmuh. Amah cu Ruava khuami asi. Cu puai ah Bishop Lucius, Tlangbawi (23), Deacon (1), Brother (4), Sister (14), Damah Saya/mah (30) le zumtu khrihfa ulenau (790) renglo an i tel tiah thawng kan theih. 

November 25 in 27, 2023 tiang Puaipi pathum an tuah” November 25-27, 2023 tiang, Falam myo ah puaipi pathum cu hlunghlai ngaiin an tuah. Cu puaipi pawl cu November 25 ni ah Dea. Paulinus Ghung Khui Shing le Dea. Pius Shing Om Ki hna i Bishop Lucius kut in Zungzal Tlangbawi cannak Ordination an laknak, November 26 ni ah Khrih Siangpahrang Biakinn tharpi thluachuah peknak le November 27 ni ah St. Joseph Sister pawl Falam an phanhnak Kum (50) tlinh Sui Jubilee puai le anmah hna chung in Sister Theresa Biak Rem Ting nih a nunnak dihlak Pathian sin pekchanhnak tuahmi puai hna an si. Cu puai ah Bishop Lucius, Father (32), Deacon (1), Brother (4), Sister (40), Damah Saya/mah (19) le zumtu khrihfa (700) hrawng an i tel tiah thawng kan theih.

Tlangbawi cannak Ordination Puai cu Surkhua ah a umlai    

Ara laimi Nov. ni 8, 2023 ah Lungttar khuami Dea. Flavian Chum Er cu Surkhua Parish- Our Lady of the Rosary Church, Surkhua myo ah Hakha Diocese a kan uktu Bishop Lucius Hre Kung kutin zungzal Tlangbawi cannak Ordination a cohlan lai. Kan program hna cu  atanglei bantukin asi lai.

Surkhua khual phakni – 7/12/2023

Deacon Flavian Chum Er i Tlangbawi cannak puai – 8/12/2023

Ahmun- Rosary Bawinu Biakinn, Surkhua myo