Mithiang Matthias

May, 14

ST. MATTHIAS (Lamkaltu)

            Mithiang Matthias (Jesuh zultu) cu Jesuh Khrih tipil a innak ni thawkin Vancung a kai ni tiang Jesuh zultu pakhat a si. Amah cu Jesuh Khrih khual a tlawn lioah thawng`thabia phuan (evangelist) awk le tehte khan awkah an thlahmi zultu (72) chungah a telve mi pakhat a si. Thiang Thlarau a `tum ni a phak hlandeuh ahkhan zultu (11) hna le adang zultu hna cu thla an cam i an i pumh lioah mithiang Peter nih Khrih a thawh`thannak kong kha chim le tehte a khaangtu pakhat siding ah Judah aiawh in zultu pakhat thim a herhnak kong kha a thanh hna (Lam. 1:21). Matthias le Barnabas hna cu mintar mi hna an si i me thlaknak in Matthias kha an thim. Mah thimnak cu Israel miphun (12) aiawh a si.

            Mithiang Matthias cu Thiang Thlarau kha a hmuh hnuah thawng`tha bia kha Judea ram in Gespian rili tiangin a phuan. Thawng`tha bia a phuannak hmunah mi `thalo hna i hremnak, a hmanlo nehsawhnak kha a phorh i Golchist ah khan biatak ruangah thihnak a ing. A pum cu Jerusalem ah khan caansau nawn an chiah. Cu hnuah St. Helen nih Rome khua ah an `thial.