Laudato Si’ (On the care of Our Common Home) kum-5 tlin Thawng theihter nak

^{Laudato Si’ (On the care of Our Common Home) kum-5  tlin Thawng theihter nak}

Gen 2:15  “Cun Bawipa Pathian nih mipa cu a lak i Eden dum chungah cun dum cu a thlawh awk le ven awkah a chiah.”

            Kan hnu lei kum 5 caan lio i Pope Francis nih pawngkam zohkhenh ding konglam he pehtlai in a rak chuah mi capar (Laudato Si’) timi capar kha vawlei cung ramkip um Catholic Khrihfa hna sinah theih hngalhternak a rak tuah.

            Pope Francis nih vawlei cung um Catholic Khrihfa vialte hna sin zongah (Laudato Si’) zarh tiin May 14-24, 2020 ah theihternak a tauh tthan.

            “Hmailei a um te hnga ding mi kan fale hna caah zeibantuk vawlei dah ro vuih ta na duh hna?” tiin Pope Francis nih biahal nak zong pakhat a tuah.

            Cu a si caah hi biahal nak he pehtlai in  Laudato Si’ (On the care of Our Common Home) zarh tiah May 14-24, 2020, a kum (5) nak ah hin vawlei cung huap Catholic Khrihfa vialte hna zong nih biatak tein i tel khawh cio dingin sawm cio kan si.

            Hakha Diocese Hruaitu Bishop Lucius Hre Kung nih biacahnak a tuah mi cu: "Laudato Si' kong he pehtlai in Hakha Diocese chungum Catholic Khrihfa vialte hna zong nih mah le um nak Parish, khua, innchungkhar cio in siseh, pakhat cio in siseh thingkung kan cing cio hna lai tiah keimah pumpak zongnih kan theihter tthan hna" tiah a ti.

Note: 14-24 May, 2020 nithla cu Laudato Si’ zarh tiah theihter a si ko nain kan Chin ram kokek um tu ning cang zulh in Hakha Diocese chungah 14-24 June, 2020 thla tu ah Laudato Si’ zarh tiin kan hman hna lai. Parish hruitu Siangbawi hna le Bupi riantuan tu upa hna hruai nak tuah a si lai.