Pope Francis nih George Floyd thlarau caah siseh, miphun thleidan ruangah thihloh a tong mi vialte hna an thlarau caah thla a campiak hna.

Pope Francis nih June 3, 2020 ni ah George Floyd thlarau caah siseh, miphun thleidan ruangah thihlohnak le har a tong mi vialte hna caah thla ka campiak hna tiah a ti. Cun lehrulh nak nih zeibantuk tthatnak hmah a chuah pi lo tiah a ti rih.

“USA um dawtmi u le nau hna, Mr. George Floyd a thih hnu ah nan ram chungah buaibai nak hna le pakhat le pakhat kar lak ah remlonak tete an hung chuah cu ka lung a ttha hrimhrim lo ” tiah Pope Francis nih video in bia a chim.

 “A zeilei paoh in siseh, miphun thleidannak hna le cu bantuk thil a chuahter tu zeibantuk hmanh nawl kan pe kho hna lo. Cun a sunglawi tukmi minung nunnak cu kan khamh, kan dir pi peng ko hna lai. Cun pakhat cio nih theih a herh mi cu, nai hrawnghrang zan hna ah i buaibai nak thil kan can ter mi hna hi cu mah le mah i hrawh a si zong kha thei ko u. zeibantuk thatnak hmanh buaibainak in kan hmu kho lo i chiat nak le lohtlaunak lawng a chuahter ”.

 “Nihin Minneapolis um St. Paul biakinn siseh, US um mi vialte hna he zong siseh, George Floyd thlarau caah le miphun thleidan ruangah thihloh a tong mi vialte hna an thlarau caah siseh, thlacamnak in kan tel pi ve ko hna” tiah Pope nih a chimchap.

A tanglei link in relchap khawh a si.

https://bit.ly/302eZ3c