Mithiang siding fehternak

Tuesday, October 06, 2020

Pope Francis nih 'Mithiang Hlim' si dingin fehternak a tuah

A luancia zarh, cacawn nihnih ni ahkhan kan Pope Francis nih 'Pathian i a hnuzul hna' kha 'Mithiang Hlim' si dingah phung ningin fehternak a tuah. Cu 'Mithiang Hlim' a si dingmi hna ah a konglam phun (2) he aa khah ruangah thimmi an si.

A pakhatnak ah mi he aa khat loin nun aa zuammi hna, a pahnihnak ah an zumhnak ruangah tuah a ingmi hna tiin an si. Mah bantukin thimnak an hmuhnak ah 'Pathian i a hnuzul hna' tiah thim cangmi hna i an thlacam piaknak kha i lak in thawnnak huham hmelchunhnak pakhat ka hmuh ko tiah tehte um a herh.

Atu 'Mithiang Hlim' si ding i fehternak a tuahmi hna ah Sister pahnih, hmunthu Siangbawi (4) le Catholic zumtu chungin (1), an zapi pa (7) an si. Mah hna i an thlacam piak nak kha i bochan in thlacam tikah thawnnak huham a um ko tiah na cohlan na zumh ahcun mah thawnnak zong kha Mithiang hlim thimnak zung nih an fehter ve.

Mithiang hlim a si dingmi hna lak i pakhat cu Italy mi, Catholic zumtu Nuccia tiin mi nih an theih ngai mi Gaetana Tolomeo a si. Amah cu Mithiang hlim si ding ah a herhmi a dotkhat nak 'Pathian i a hnuzul' in 'Mithiang Hlim' si dingah thimnak a hmu cang lai. Zei ruangah ti a si cun amah i a thlacam piaknak thawngin thawnnak huham pakhat a um. Amah cu (1936, April 10)ni, Catanzaro timi khua ah a chuak i (1997, January 24)ni ah a nunnak a liam.

'Mithiang Hlim' si dingin Thawngthabia ruangah thahnak a tongmi hna cu Spain ram mi an si i, annih zong 'Pathian i a hnuzul hna' a simi Francesco Cástor Sojo López le a hawile (3) hna an si. An zapi tein hmunthu Siangbawi an si dih. (1936-1938) kum chung, Spain ram i Biaknak a huatu hna i thahnak an ing. A dang phu khat cu Pathian bia ruangah Thawngthabia ruangah a thahnak a ingmi an si lo. Asinain an nun lioah mi nih zulhkhawh lomi pawl kha tuah aa zuammi 'Pathian i a hnuzul hna' an si. Mah ahcun Francisca Pascual Doménech zong aa tel ve. Amah cu Spain mi a si i "The Congregation of the Franciscan Sisters of the Immaculate" phu a dirhtu a si. Amah cu (1833, Octorber 13)ni, Spain ram, Moncada khua ah a chuak i (1903, April 26)ni ah a nunnak a liam.

'Mithiang Hlim' si ding i an thimmi 'Pathian i a hnuzul' pakhat cu Sister a si i, Spain mi a si. Amin ah Maria Dolores Segarra Gestoso ti a si. "The Missionary Sisters of Christ the Priest" phu a dirhtu zong a si. Amah cu (1921, March 15)ni, Spain ram, Melilla khua ah a chuak i (1959, March 1)ni, Spain ram, Granada khua ah a nunnak a liam.