St.Teresa of Avilla

October, 15

Avila khua mi St. Teresa, Nungakthiang le Bible thiamsang

          Mithiang Teresa cu Diskelic Camelite bu a dirhtu a si. Amah cu kum 1515 ah Spain ram Avila khua ah a chuak. A ngakchiat tein zungzal hmunmi he pehtlaimi khuaruahnak nih a khuhchilh i a nunnak kha Pathian sinah pekchanh duhnak lungthin fakpiin a rak ngei. A kum 12 a siah a nu a thi i cu lioah nungakthiang Mary bangin can duhnak a rak `hang. A nu thih lioah Nu Mary milem hmai ah a kal i “Atu thawkin Nu Mary cu ka nu sihram ko” tiah `ah buin thla a rak cam.

Kum 20 a siah Avila khua Camilite Sister Sianginn (bu) ah a lut. Asinain Biaknak lei he pehtlaihin daithlannak hna nih khuaruahhar in a lauter. Khual phunphun kha zalongtein a dong hna i a dang tein thlacamnak le daitein thlacamnak hna kha zeiah a rak rel lo. An bu chungtel tampi hna cu thathut in an zawnzai i daithlang in um le ei phun an rak si dih. Asinain amah cu a kawhauhnak ah fel tein a hmun.

          Bu uktu hna nih an thlauhlen ko lioah Avila khua Diskelist i Camilite bu kha kum 1661 ah a rak dirh. Cu bu chungtel hna cu an nunnak kha a har mi upadi le zungzal dengmang in a daimi lungthin nunnak ah an i ap. Sifak te le semrel tein umnak hmelchunhnak canah Shoe kedan ai in hribunh phanah (kedan) kha an i danh. Kum 6 a rauh hnuah St. John Christ he Diskelic Camilite Marel bu kha an rak dirh. Tuaktan thiamnak ngeih cu an ser`hanmi Sister hna caah a umlo awk a `halomi a herhmi thiamnak ah a rak chiah. St. Teresa cu Thlarau lei biathuk hna kha a uar ngai i a caan tampi ah duhtlaimi cawnpiaknak hna kha arak `ial.

          Kum 1528 ah a rak thi i, cu hnuah Bupi nih St. Teresa kha Bupi i Bible thiamsang sinak a thanh.