Pathian nih khua a khaan

Amy Coney Barett

Vawlei cung nunphung nih kha hlan Sodom le Gomorrah nunphung keneh zulh tthan ai timh lio ah Pathian nih khua a khan i Amy Coney Barrett cu Supreme Court ah ttutter a si cang. vawlei cung ah a sangbik hmunhma ti usih law kan palh men lai lo. Zei caah tiah Supreme Court cu US President hmanh thongthlak le dantat a herh ah cun nawl a chuah kho tu a si.

Amy Coney Supreme Court a thut ding mi hi US mipi ( a bik in Democratic pawl) nih a tih bak mi a si. Zei ruang ah tiah cun Amy coney cu Catholic zumhnak in a tthangmi a si caah nu le nu, pa le pa thitumnak le nauthah ti bantuk pawl hna a doh i Bupi zumhnak le Bible nunphung biatak in a ttanpi tu a si. Mah ruang ah cun Coney Supreme Court ah tthu hlah seh tiah hei an cawlcang.

Pathian lei aa zuammi a si caah an tih. US cu vawlei pumpaluk in zohchunhmi khua le ram a si caah a nunphung hi hmaikal nunphung tining law a palh lai ka zum lo. Cucaah Amy Coney hruainak le Pathian velbawmhnak in khrihfa nuncan ziaza a thar in ai phuang than lai ti zumh a um ngai. Amy Coney caah thlacam bawm cio hna usih. Pathian duh ning tein a riantuannak ah tawlrelnak a tuah khawh nak lai, Thiangthlarau nih a hruai khawhnak lai, thlacam piak cio hna usih. Sodom le Gomorrah nunphung a than lo ding hi Khrihfa ka rianpi a si.