Mithiang Charles

November 4

ST. CHARLES BORROMEW (1538-1584)

          Siangbawi a cang hnga mi Siangngakchia, Siangbawi cannak Sianginn hna zohkhenhtu mithiang Charles Borromew cu Italy ram Arona khuafate ah 1582 kumah, a chuak. Kum 22 a siah a pu a si mi Pope Pius IV nak nih Cardinal le Milan khua Bishop rian a rak khinh. Council of Trent pumhnak kha a dihtiang a hruai hna hnuah meeting biachahnak vialte kha tlingtein a dihtiang `uan dingin lam a rak hmuhsak hna. A uknak peng chung i Siangbawi uknak (Parish) chungah vakvaih in Pathian bia cawnpiak dingah nawl a rak chuah.

Bupi ukmi Siangbawi caannak Sianginn a onh hmasabiktu a si. A holhka a aa i rianrang in a holh kho lo nain a phungchimnak cu hmual a ngei i a`ha ngaingai. Charles cu Bupi biaknak phunglam kha a upat tuk bantukin thlacamnak hna kha zeitikhmanh ah rianrang in a cam lo. Mass ka tuah lio ah hin ka thinlung a vaihvuan a ti mi Siangbawi pakhat kha “Missa tuah dingah in a rak chuah hlan, Ankifual i thlennak khanah zeidah na tuah tak, zeitindah naa `amh” tiah bia a hal `han.

          Bishop pa pakhat nih kei cu zeirianhmanh ka ngei lo a ti tikah Chales nih cu Bishop he pehtlai mi `uanvo hna kha a `ialpiak hnuah `uanvo pakhat cio a donghnak ah, “nang cu rian`uan awk ka ngei lo tiah na chim kho lai maw?” ti mi soisel nak zongkha a betchih. A`uan mi rian paoh ah ningcang tein a tuan caah a `uan mi hna cu sawhsawh siloin rianrang in a dih khawh. 1576 -78 kum chung i a rak chuak mi Palik zawtnak lio a ngeih mi chawva thilri hna kha a zuar i mi sifak hna kha a bawmh hna. Asinain Charles i siamremh `hannak hna cu hmun zakipah an cohlan cio a si lo mei? Fakpiin dohnak a ing mi upadi phungbia hna chungah Siangbawi vialte khahmulmet a herhnak kong le aa tlak lomi Siangbawi hna cu `hawl awk an si ti mi zong aa tel.

          Nikhat cu thlacamnak khaanah thla a cam lioah zuarthlai Siangbawi pakhat nih meithal in a kah. Asinain kuan cu a puan kha a khen ko nain a taksa zeihmanh tonghlo in a puan cungah a tan kha khuaruah har in an hmuh. St. Charles cu a mah kum 46 a si i 1584 kum, Arona khua ah a thi.