St.John Lateran

November 9

ST. JOHN LATERAN BIAKINN THLUACHUAH PEK NI (313) AD 

  St. John Lateran, St. Peter, St. Paul le St. Mary Mayor timi Rome khua Biakinn pi pali lak ah St. John Lateran Biakinnpi cu a hlunbik le a pakhatnak (asangbik) tiah an timi Biakinn pi a si. Siangpahrang Constantine nih a hlutmi vawlei hmun cung i kum 313 ah an rak sakmi a si i cu chan lioah Lateran inn tiah an rak ti.

  A hramthawkah “Khamhtu Pathian Biakinn” tiah rak theihmi a sinain a hnuah cun John pahnih hna, Tipil petu John le Thawng`ha `ialtu John hna i zohkhenhnak tangah pekchanhmi a si. Biakinn pi i Biak`heng (Altar) ah lamkaltu mithiang Peter nih a rak hmanmi thingbiak`heng thilhlun hna zong an i tel. Cu Biakinn chung i Bawipa thisa chiahnak hrai kha mithiang Peter le mithiang Paul i an lu zuk in an thlet chih.

  Rome khua i Cathedral le Pope umnak a si bantukin Biakinn pi i a hmai cuangah “Rome khua le vawlei pi Biakinn hna Nu le Lu” timi tlangtar ca aa `ial. Hi puai tuahchannak cu biakam tlolh lonak le Pope he pumkhat sinak hmelchunhnak caah a si. Antioch khua in St. Ignatius nih a chim ningin Pope cu Dawtnak biading hna dihlak uktu le a kilkamtu a si a ti.