Mithiang Leo the Great

November, 10

ST. LEO THE GREAT POPE LE PH.D (480-461)

 Tuanbia chungin hruaitu bik a simi, Pope hna lakah pakhat a simi Pope Leo I nak cu Rome khua, kum 400 ah a chuak. Amah cu hngalhtheihnak he a rummi a hleice fimthiamnak a ngeimi a si bantukin Siangbawi cannak a hmuh tikah Pope i pumpak secretary a rak si. Pope Sixtus III nak a thih tikah Pope cannak ah an rak thim. Pope Leo cu Pope i hmunpi a simi Vatican huham kha thlaichunh khawh lo tiangin a santer. Biaknak lei teinak cu kum 451 Charlesidon pumhnak ah a sangbik a rak phan.

Cu meeting ah “Bawipa Jesuh cu Pathian sinak pakhat lawng a ngei timi zumh palhnak kha a doh i Bawipa Jesuh minung cannak kha a rak fehter. A ca cu Pope kuzale hna nih an rel tikah Bishop hna cu “Peter nih Leo hmangin bia a rak chimcang” tiah an dirkamh cio i minsen an thut cio. Bawipa Jesuh i sinak pahnih pehtlaihnak kha dikcat tein fianternak a ca cu Bupi i phungning cawnpiaknak ah a roh tak. Kum 452 ah Pathian hrihrual tiin mi tampi nih theihmi Attiladihan cu Rome khua tukding ah a ralkap he an rak chuak.

Khuami le rammi hna zong an lautuk cio i ralkap tampi hna cu an rian le an renk an chuaktak dih. Cu tikah Pope cu a ral hna kha vailamtah in a doh hna i Attila zong kha a ram lei kir dingah a lemsoi. Attila cu St. Peter le St. Paul hna nih vawlei cung ummi hna i Bupi kha khamh awkah vancung in an rak hrocermi muisam kha Pope hnu lei ah a hmuhtikah a lung aa thleng tiah an ti. Voikhatah Pope Leo cu a sualthlahnak caah St. Peter thlan ah ni 40 chungbak thla a cam.

Cutikah lamkaltu St. Peter cu a sinah a rak lang i “Siangbawi cannak peksualmi ruang i palhsualnak chim loin na sualnak vialte kha Pathian min in kan ngaihthiam cang,” tiah a rak ti. Cu thawkin a hnu ahcun Siangbawi caannak kha a kum a tling cikcek i `hatein cekhlat, hlathlai cangmi (Brother) hna lawng Siangbawi cannak pekding in ri a khiah. Pope Leo cu kum 460 AD ah a thi. A thilhlun hna cu nihin tiang Vatican Biakinn pi ah an chiah peng rih.