Mithiang Ambrose

December, 7

ST. AMBROSE (340-397, BISHOP LE BIBLE THIAMSANG)

Milan kha a kilvengtu (Patron of Milan) St. Ambrose cu kum 340, Germany ram Treir khua ah a chuak. A pa a thih hnuah Rome ah fimnak a cawnpeh i a hnuah Milan khuauk rian a `uan. Kum 373 tiang Lawki a si rih mi Ambrose kha mipi nih an hnekchihtuk ruangah Milan Bishop ah an rak thim. Cu hnu hmakhatte ah tipil a in i Bishop caannak a lak colh.

Cuhnu thawkin a ngeihmi thilri chawva vialte kha misifak hna a pek`han hna i a pum, a lungthin vialte zong mi zapi caah tiin aa zuam i aa pekchanh. Anunnak lamthluan ah dinfelnak in aa zuam i a `uan. Acaan tampi hna kha Bible relnak le phungchim cawnpiaknak ah a hman dih. Milan uk chung hmunpi Biakinn i St. Ambrose phungchimnak ruangah St. Augustine zong a nunnak aa thleng ve.

Parihdewa rili chung i harnak an ton lioah, Ambrose cu Bupi nih a ngeihmi tilawng kha a zuar i cu tangka in thongtlami le sifak harsami hna kha a rak bawmh hna. “Bianaah Bupi cu Sui a ngeih a si ahcun cu sui cu bawmhnak a herhmi hna caah hman ding a si, chiah sawhsawh awk a si lo,” tiah Ambrose nh Bupi kha a soisel i ruahnak a pek hna. Pathian caah atu le atu thianhlim zuamnak rian kha a thang`hat i amah lam hmuhsaknak tangah ngaknu thiang tampi kha a sangbik ah a chiahter khawh hna.

Cuti a tuahnak ruangah cheukhat nih pengchung ah milu a zorter tiah sual an phawt tikah, “Minung cihram a hrawktu cu nungakthiang hna hi an si lo; raldohnak lawng hi asi,” tiah a leh hna. St. Ambrose cu kum 57 a ti ah Pathian `ang chungah i hngilh in aa din. A ruak kha rampi vuinak phungin Milan Biakinn ah an vui.