Pathian Nu MARY

January, 1

PATHIAN NU MARY (MARY MOTHER OF GOD)

  A thiangmi Ngaknu thiang Mary kha Pathian Nu a si tiah a hlan tein an rak upat mi a si. Zabu 4 chungah constantinople Bishop a simi Nestorius nih Nu Mary cu Pathian nu a silo, Jesuh nu lawng a si tiah fakpi in a chim i Greek holh “Theotokos” kha a rak al. Asinain Nu Mary cu Pathian a si ve mi Jesuh nu a si ruangah “Pathian Nu” nan ti lai tiah 43 kum, Efesa khua ah an rak tuahmi meeting nih fiangtein a fehter i a rak thanh.

Meeting a dih hnu ah mi vialte cu Bishop hna kha conghlawmh in khua chungah an vak i lunglawm tein teinak puai an rak tuah. Cun meeting pi teinak philhlonak caah Pope Sixtus II cu rumra a ngei mi St. Mary Biakinnpi kha Rome khua ah a rak sak.Hini bak ahcun Jesuh Khrih cuarpartannak puai le Jesuh min peknak puai kha komh in an rak tuah. Jesuh timi min cun “Khamhtu Pathian” timi sullam a ngei.

Aruang cu, cu ngakchia niriat tlin, cuarpartannak ni a phak tikah Jesuh tiah min an sak tiah (Lk; 2:21) chungah a `ial caah asi. Hi kong hi (Gen; 17:12) chungah “Nangmah na tefa hna nih, atu in hin cun fapa nan ngeihmi paohpaoh cu niriat asi ah an cuarpar nan tan dih hna lai,” tiah zungzal Pathian nih Abraham sinah a chimmi bia nawl ngaihnak kha asi. Cuarpartan nak ti mi cu Pathian sin ah pekchanhnak tiah sullam angei.