COVID-19  Khamhnak Sii kongah Vatican caah Thawngttha

Vatican chung zung rianttuantu hna caah COVID-19 zawtkhamhnak sii (COVID-19 Vaccine) cu a rauhhlan ah chunh an si cang lai. Fiang deuh in chim ahcun hi sii cu January thla a Zarh hnihnak chung ah a phan cang laai. Vatican chungum an milu tling a nguh, a zaat ding zat in cah kan cah tiah Vatican i Ngandamnak lei uktu nih kan hnu Zarhte ni ah khan a  chim.

Hi rai khamhnak sii a rak phan dingmi chiahnak ding ah tikhal thingkuang (refrigerator) hna zong a ciasa in timhlamh dih an si cang. Sii chunh tikah, awtnak chawnh fawituk ding dir hmun i a ummi hna, zawtnak a phunphun he a zawmi mizaw a tawngtham, a thlopboltu ngandamnak lei rianttuantu hna, kum upa cangmi tarnu tarpa hna le mi zapi lak ah a um kal lengmangmi hna kha chunh hmasa an si lai.

Hi raikhamhnak sii chunhnak ding a hmun cu Pope Paul VI hall khaan ah tuah a si lai. Sii a chuntu hna cu chawnhkhawh raizawtnak he aa pehtlai in thiamsang siibawi hna le sii saya/sayamah hna lawng nih sii chunhpiak a si lai.

RVA Myanmar Service chung in lehmi

Photo courtesy of : ANSA