Cardinal Charles Maung Bo nih Myanmar mipi sin le ramkip phu sin thlah mi Capar

Dawt mi Hawi le hna,
Mah capar hi mi thong tampi hna nih tu lio caan ah an ton mi ngaihchiat lung that lo nak he i hrawm ti in thlarau lei hruaitu
pakhat sining in ka hun tial mi a si. Dawt mi miphun hruaitu hna, Myanmar ralkap hna le ram kip um u nau hna sinah ca ka rak tial.
Kan tuanbia hna ah muihnak le ngaihchiat nak in a rak khat mi sining hna chungin luat khawhnak hnga ding le minung pakhat sining in
um dir khawh nak hnga ding caah nifatin aa zuam mi kan miphun hna nih in tuar khawh nak nan ngeih nak lai ruahchannak tampi ka ngei.
Kan nih hna cu kan tuan bia ah a har bik mi ni le caan chungah a kal cuahmah mi kan si. Dawtnak lungthin he nan dihlak sinah ca ka rak tial.
Zungzal a hmun mi a phi khawl khawhnak, kan dawtmi kan ram muihnak nih a khuh mi chungin zungzal a luat khawh nak hnga ding ca
zongah thla ka cam.

1. Dawtmi Myanmar ram mi hna sinah

Rak ruah lo mi thinphan thlalauhnak kan rampi nih a tuar lio caan ah kei mah pumpak zong nih lungtak tein kan in tuar pi ve ko hna. 
Thi luanh tuk-kah nak um lo in dai tein nan um cio nak lai forhfial kan duh hna. Kan thi kan rak luanh mi zong zaa lak in a rak lung cang.
Kan ram kan vawlei ah thi luanhnak um hram ti hlah seh.  A tu kan ton cuah mah lio mi harnak caan hmanh ah hin daihnak lawng in a phi chuah 
khawh a si lai  tiin zumhnak ka ngei. A si tak kho mi zong a si ko.
Thi luanh lo (non violent) in duhnak langhter khawh ning hna zong phun tampi in a um ko. Ram chung buaibainak kan ton mi zong hi kapkhat 
le kapkhat tonbiaruahnak, pehtlaihnak um lo ruangah le hmuh ning cang hna aa lawh lo ruangah a si. Tu lio caan ah minung pakhat sining in i 
upat thiamnak (dignity) le a hmaan mi (truth)dirhmun caah hmai kan fonnak ah huatnak um lo in dir ti hna u sih. Biaknak lei hruaitu a si mi hna
zong nih kan hruai mi phu hna sinah tu lio ton mi buainak in daihnak kan hmuh khawh nak hnga ding caah thlacam nak an ngeih khawh cio nak
lai forhfial nak tuah cio ko u. Sermi thil vialte le minung vialte hna caah thla cam cio u sih.
Chawhkhawh a fawi mi hrik tha lo um lio caan ah a nung mi kan si. Ngandamnak lei in rian a tuan tu mi raltha hna zong nih nunnak tampi 
an khamh khawh cang. Micheu cu kan ram chung thil sining ruangah duh lo nak langhter ve ding in an rian an ttuan ti lo. An kal tak. 
Sihmanhsehlaw, nawl kan duh mi hna cu nan mah an herh tuk mi hna kha tu lio caan ah hin kal tak hrim hna hlah u.